Әлемдік рейтингтегі бірінші орынға талас: Рыбакина мен Соболенконың келесі матчтері қашан өтеді?

Соболенконың матчтері

Үшінші айналымдағы матч бір сағатқа жетпейтін уақытқа созылып, беларусьтік теннисшінің екі сеттегі (6:1, 6:3) сенімді жеңісімен аяқталды.

Келесі кезеңде ол турнирдің басты сенсацияларының бірі - 20 жастағы чехиялық Сара Бейлекпен кездеседі.

Жарыс барысында ол өз елінің тәжірибелі теннисшілері Каролина Плишкова мен Барбора Крейчикованы қатардан шығарды. 1/16 финалда Бейлек күтпеген жерден ресейлік Екатерина Александрованы жеңді, ал Александрова бұған дейінгі ірі турнирде Арина Соболенконы жарыс жолынан шығарған болатын.

Соболенконың жеңісі WTA рейтингіне қалай әсер етті?

Әрбір келесі жеңіс Соболенконы кем дегенде US Open аяқталғанға дейін әлемдік рейтингтегі бірінші сатыны сақтап қалуға жақындата түседі.

Қазіргі уақытта рейтингтің лайв-нұсқасында Арина Елена Рыбакинадан 529 ұпай алда тұр. Бұл ретте қос спортшы да Цинциннатидегі бас жүлде үшін күресті жалғастырып жатыр.

Әлемдік рейтингте беларусьтік спортшыны басып озу үшін Елена Рыбакинаға Соболенконың финалға дейін жеңілгені қажет. Соболенконың қай кезеңде тоқтауына байланысты, қазақстандық теннисшіге бірінші орынға шығу үшін финалға дейін жету де жеткілікті болуы мүмкін.

Сонымен қатар егер финалдық матчте Арина Соболенкомен кездесетін болса, тіпті турнирдегі жеңіс те Рыбакинаның әлемдік рейтингте көш бастауына кепілдік бермейді.

Елена Рыбакинаның келесі матчі

Цинциннати турнирінің ширек финалына шығу үшін қазақстандық теннисші ресейлік Диана Шнайдермен (әлемнің 14-ші ракеткасы) шеберлік байқасады.

Осы уақытқа дейін олар өзара бір ғана матч өткізіп, онда Қазақстан өкілі жеңіске жеткен болатын.

Рыбакина - Шнайдер матчі 19 тамызға жоспарланған. Кездесудің басталуының болжамды уақыты - Қазақстан уақытымен 23:00.