+7 (777) 001 44
99
SB4 класында 100 метрге брасс әдісімен жүзуден өткен финалдық жарыста Әли 1:44.26 секунд нәтижесімен мәреге екінші болып келді. Жеңіске 1:41.44 уақыт көрсеткішімен Азия Пара ойындарының жаңа рекордын орнатқан Малайзия спортшысы ие болды.
Instagram-дағы бұл жарияланымды көру
Еске сала кетейік, іріктеу кезеңінде қазақстандық спортшы Азия Пара ойындарының рекордын жаңартып, финалға үздік нәтижемен шыққан болатын.
Әли Тұрғанбеков деген кім?
Әли Тұрғанбеков - қазақстандық паражүзуші. Ол Талдықорғанда дүниеге келген, туғаннан аяғы жоқ. Туабітті ерекшелігіне қарамастан, бала кезінен спортқа үлкен құштарлығын көрсетті. Отбасы баланың дамуы мен оқуына жақсы жағдай жасау үшін елордаға көшіп барған.
Instagram-дағы бұл жарияланымды көру
Әли паражүзумен айналыса бастап, көпжылдық табанды жаттығудың арқасында Қазақстан ұлттық құрамасы сапына қосылды. Оның қоржынында Қазақстан мен Азиядағы жасөспірімдер жарыстарында иеленген оннан астам алтын медаль, сондай-ақ халықаралық додалардағы сәтті өнер көрсетулері бар.
Instagram-дағы бұл жарияланымды көру
Әлидің оқиғасы елден тыс жерлерде танымал. Ол бала кезінен футбол ойнауды және әлемдік жұлдыздармен кездесуді армандады. Қайсарлығы мен ата-анасының қолдауы арқасында оның бұл армандары орындалды.
Instagram-дағы бұл жарияланымды көру
Ол әлемдік футбол аңыздары: Диего Марадона, Лионель Месси, Криштиану Роналду, Неймар, Мохаммед Салах, Лука Модрич, Андрей Шевченко және тағы басқаларымен жеке танысып, бірге футбол да ойнады.
Instagram-дағы бұл жарияланымды көру
2019 жылы Әли УЕФА Суперкубогін "Ливерпуль" капитанына табыстау мәртебесіне ие болды. Сондай-ақ ол ММА файтері Хабиб Нурмагомедовпен және мотивациялық спикер Ник Вуйчичпен кездесті.
Instagram-дағы бұл жарияланымды көру
Қазақстандық Азия Пара ойындарының алтынын жеңіп алды: ол барлығын мерзімінен бұрын жеңді
