+7 (777) 001 44
99
Алматылық "Қайрат" ойыншысы Себастьян Себальос балалар алаңында бүлдіршіндермен доп теуіп жүрген жерінен байқалды. Ойыншының бұл әрекетіне қатысты әлеуметтік желі қолданушыларының пікірі екіге жарылды, деп хабарлайды Tengri Sport.
Бұл видео әлеуметтік желілерде жарияланғаннан кейін тез арада танымал бола бастады. Видео авторының айтуынша, Себальос жергілікті балалармен футбол ойнаған.
Көптеген пікір қалдырушылар ойыншының қарапайымдылығын атап өтіп, балалар үшін қуанышты екенін жеткізді.
"Өзіміздің қарапайым жігіт қой!";
"Рикардиньо сияқты үнемі күліп жүреді екен";
"Жұлдыз ауруына шалдықпаған!" - деп жазды әлеуметтік желі қолданушылары.
Сонымен қатар спортшының бұл әрекетін кәсібилікке жатпайды деп санағандар да табылды.
"Енді оған қомақты айыппұл салады...";
"Келісімшарттарда мұндай жағдайларға қатысты тармақтар болады. Мысалы, жаттығуға қорғаныс қалқаншасынсыз шықсаң – айыппұл салады, сондықтан мұндай ойын үшін де жазалануы мүмкін. Жарақат алып қалса, кім төлейді...";
"Иә, бұл үшін оған ірі көлемде айыппұл арқалатуы мүмкін. Қазіргі футболшылардың келісімшартында осындай тармақтар бар. Оларға сноуборд тебуге, шаңғы тебуге, банджи-джампингпен айналысуға, мотоспорт пен альпинизмге тыйым салынған", - деп жазды олар.
Дегенмен, видеодан футболшының расында ойнағаны немесе балалармен жай ғана тілдескені түсініксіз. Ал "Қайрат" клубы ойыншының келісімшарт талаптарын бұзғаны туралы пікірмен келіспейді.
"Клуб бұл әрекеттен ешқандай оғаштық көріп тұрған жоқ. Бос уақытында футболшылар, егер бұл команда режимі мен қауіпсіздік нормаларын бұзбаса, футбол ойнап, балалармен және жанкүйерлермен араласа алады. Мұндай жағдайда ешқандай айыппұл санкциялары қарастырылмайды", - деп хабарлады клуб біздің сауалымызға берген жауабында.
Айта кетейік, аргентиналық Себастьян Себальос Алматыға Эквадор лигасынан 2026 жылдың басында ауысып келген болатын.
Осы уақыт ішінде ол жеті кездесуде алаңға шығып, бір нәтижелі паспен көзге түсті.
Instagram-дағы бұл жарияланымды көру
Бұған дейін Қазақстанның Туризм және спорт министрлігі еліміздегі ең үлкен стадион қашан салынатынын айтқан болатын.
