Қазақстандық боксшы қаңтарда атақты мексикалықтың салмағында жаңа әлем чемпионы атанатынына сенімді және жаңа белбеу үшін біріктіруші жекпе-жек өткізуді көздеп отыр.
"Қаңтарда мен супер орта салмақта чемпиондық титулды жеңіп аламын. Мамырда осы жекпе-жектің жеңімпазымен кездесіп, титулдарды біріктіргім келеді", - деп мәлімдеді Әлімханұлы Канело мен оның келесі қарсыласының суретін жариялап.
Еске сала кетейік, Канело мен Мбилли арасындағы WBC нұсқасы бойынша супер орта салмақтағы әлем чемпионы атағы үшін жекпе-жек 1 қарашаға қараған түні Эр-Риядта (Сауд Арабиясы) өтеді.
Кеше қарсыластар көз арбасу рәсімін өткізді.
What did Mbilli tell Canelo?🤔 Press Conference Face Off! #CaneloMbilli @canelo returns to the ring on Saturday, October 31, 2026, to challenge Christian M'billi for the WBC super-middleweight championship. Live on Dazn PPV🥊 Who wins, Canelo or Mbilli? https://t.co/Le8kMvjSuS
— BoxingBodegaOfficial (@BoxingBodega) 29 қазан, 2026 жыл
Ал Жәнібек Әлімханұлы 2027 жылдың 23 қаңтарында алғаш рет жаңа салмақта рингке шығады. Оның қарсыласы - даниялық жеңілмеген боксшы Якоб Банк, ал бәске WBO нұсқасы бойынша бос тұрған әлем чемпионы титулы тігіледі.
“Еш мәселе жоқ“: Әлімханұлы жаңа салмақта чемпиондық белбеу үшін жұдырықтасады
Әлімханұлы Канелоға қарсы: Жәнібек мексикалықты көптен бері жекпе-жекке шақырып жүр
Айта кетейік, Жәнібек Әлімханұлы мен оның командасы рингте әлі де өнер көрсетіп жүрген ең беделді боксшылардың бірімен жұдырықтасу ниеті туралы көптен бері айтып келеді.
Қазақстандықтың менеджері Берік Сұлтан Tengri Sport-қа берген сұхбатында Жәнібектің орта салмақтағы белбеулерден бас тартып, жоғары санатқа көтерілуінің басты себептерінің бірі мексикалықпен айқасу мүмкіндігі екенін айтты.
Канелоның өзі Жәнібектің шақыруларына әзірге жауап берген жоқ, алайда мексикалық БАҚ бұл жекпе-жек жанкүйерлерге қызықты болуы мүмкін екенін жазды.
Канело деген кім?
36 жастағы мексикалық Сауль Альварес - әлемдегі ең танымал қазіргі боксшылардың бірі. Ол супер орта салмақтағы бокстан абсолют әлем чемпионы болған, сондай-ақ өзге де салмақ дәрежелерінде бақ сынаған.
Кәсіпқой бокстағы есебінде 68 жекпе-жек бар, оның 63-інде жеңіске жеткен (39-ы мерзімінен бұрын).
Оның қазақстандық Геннадий Головкинмен текетіресі бокс тарихында мәңгі қалады. 2017-2022 жылдар аралығында олар үш рет кездесіп, барлық жекпе-жек толық раундтарға созылды. Алғашқы кездесуде төрешілер тең нәтиже тіркесе, екінші және үшінші жекпе-жекте жеңісті мексикалыққа берді.
Қазір Канелода бірде-бір чемпиондық титул жоқ - ол былтыр төрешілер шешімімен жеңіліп, белбеулерін Теренс Кроуфордқа беріп қойған. Бұл ретте оның WBC нұсқасы бойынша екінші орта салмақтағы титул үшін франциялық Кристиан Мбиллимен жекпе-жегі жоспарланған.
Бүгінде белбеулері болмаса да, Канело әлемдегі көптеген боксшы үшін ең қалаулы қарсыластардың бірі болып отыр. Канелоның жекпе-жектері спорт тарихындағы ең көп көрілетін және ең жоғары ақы төленетін бәсекелер қатарына кіреді.
Жәнібек Әлімханұлы чемпиондық белбеу үшін қашан және қайда жұдырықтасатыны белгілі болды
Ауылдан шыққан 18 жастағы қазақстандық спортшы бокстан әлем чемпионы атанды: ол туралы не белгілі?