+7 (777) 001 44
99
"Бүкіл арена жанкүйерлеріме толы болады"
Жәнібек Әлімханұлы өзінің Instagram парақшасында WBO белбеуінің иегері, ағылшын Хамза Ширазға қарсы өтуі мүмкін титулдық жекпе-жек туралы ой бөлісті. Боксшы бұл кездесудің ұйымдастырылуын асыға күтетінін және оны Нью-Йоркте (АҚШ) өткізуге үмітті екенін айтты.
"Top Rank Хамза екеуміздің жекпе-жегімізді ұйымдастырады және ол Нью-Йоркте өтеді деп үміттенемін, өйткені онда қазақтар өте көп! Бүкіл арена менің жанкүйерлеріме толады", - деп жазды Әлімханұлы әлеуметтік желіде.
Скриншот: instagram.com/janibek_alimkhanuly
WBO Әлімханұлының дисквалификация мерзімін қысқартты
Еске сала кетейік, бұған дейін Дүниежүзілік бокс ұйымы (WBO) қазақстандық боксшы Жәнібек Әлімханұлы допинг дауынан кейін шаршы алаңға қайта орала алатынын хабарлады.
Ұйым спортшының дисквалификация мерзімін қысқарту туралы өтінішін қанағаттандырды. 10 шілдеден бастап қазақстандық боксшының аталған ұйым аясында жекпе-жек өткізуіне қойылған шектеулер алынып тасталды.
Instagram-дағы бұл жарияланымды көру
Сонымен қатар WBO өз мәлімдемесінде Әлімханұлының супер орта салмақтағы чемпиондық белбеуге үміткер болғанын хабарлады.
Осылайша, 14 тамызда Жәнібек Әлімханұлының супер орта салмақтағы WBO белбеуінің міндетті үміткері атанғаны белгілі болды. Бұл белбеу қазір британдық Хамза Ширазға тиесілі. Бұған дейін екі тарап алдағы 20 күн ішінде келіссөздер жүргізуі қажет екені айтылған.
Instagram-дағы бұл жарияланымды көру
Жәнібек Әлімханұлының дисквалификациясы
Еске сала кетейік, 2025 жылдың желтоқсан айының басында Дүниежүзілік бокс ұйымы (WBO) Ерікті антидопингтік қауымдастықтан (VADA) Жәнібек Әлімханұлының сынамасы оң нәтиже көрсеткені туралы хабарлама алғанын растаған болатын.
Сол кезде WBO және IBF нұсқалары бойынша орта салмақтағы бұрынғы әлем чемпионы Жәнібек Әлімханұлының тыйым салынған мельдоний препаратын қолданғаны анықталды. Бұл оқиға кубалық Эрисланди Лараға қарсы жекпе-жекке бірнеше күн қалғанда орын алды.
Осыдан кейін IBF қазақстандықты белбеуінен айырса, , ал WBO бір жылдық дисквалификация жариялады.
Instagram-дағы бұл жарияланымды көру
Кейінірек Жәнібек Әлімханұлы WBO белбеуінен бас тартып, салмақ дәрежесін ауыстыратынын мәлімдеді. Боксшының менеджері Берік Сұлтанның айтуынша, бұл шешім келесі санатта Сауль Канело Альварес сияқты есімі танымал қарсыластардың болуымен байланысты.
Осыдан кейін WBO Әлімханұлыны жаңа салмақтағы рейтингке ресми түрде қосып, оған екінші орынды берді.
Әлеуметтік желілердегі жазбаларына қарағанда, Жәнібектің өзі жаттығуға кірісіп, алдағы жекпе-жекке дайындығын бастап кеткен.
Instagram-дағы бұл жарияланымды көру
WBO допинг дауынан кейін Әлімханұлының дисквалификациясын қысқартты
Бұған дейін орта салмақта WBO және IBF нұсқалары бойынша бұрынғы әлем чемпионы, қазақстандық боксшы Жәнібек Әлімханұлы атақты Сауль Альваресті жекпе-жекке шақырған болатын.
