Азия чемпионаты: екі қазақстандық боксшы өзбекстандық қарсыластарын жеңді

85 келіге дейінгі салмақ дәрежесіндегі финалдық жекпе-жекте қазақстандық Мұқатаев өзбекстандық Норбек Абдуллаевпен қолғап түйістірді.

Тартысты өткен кездесуде қос боксшы да жоғары шеберлік танытып, жойқын әрі дәл соққылармен алмасты. Жекпе-жек қорытындысы бойынша төрешілер жеңісті 4:1 есебімен Темірлан Мұқатаевқа берді, осылайша ол Азия чемпионы атанды.

Сессияның және Қазақстан үшін бүкіл турнирдің соңғы жекпе-жегінде 90 келіге дейінгі салмақта Ибрагим Бетаев рингке шығып, Өзбекстан өкілі Самир Собировпен кездесті.

Қос боксшы да чемпиондық атақ үшін аянбай шайқасып, шиеленісті бәсеке көрсетті. Кездесу нәтижесі бойынша төрешілер 4:1 есебімен жеңісті Ибрагим Бетаевқа берді.

Осылайша, Қазақстан ерлер арасындағы сында турнирдің бес алтын медалін жеңіп алды. Жастар арасында үздік шыққан Бейбарыс Әшірбай және мен Владислав Саможоновтан бөлек, құрама қоржынына үшінші алтынды Аман Қонысбек салды.

75 келіге дейінгі салмақ дәрежесінде (23 жасқа дейін) қазақстандық боксшы Қырғызстан өкілі Алмаз Орозбековпен кездесті. Жекпе-жек қорытындысы бойынша төрешілер 4:1 есебімен жеңісті Аман Қонысбекке берді.