+7 (777) 001 44
99
Қазақстандық боксшы Самал Төлепберген Ташкентте (Өзбекстан) 15 жасқа дейінгі спортшылар арасында бокстан Азия чемпионы атанды, деп хабарлайды Tengri Sport Қазақстан бокс федерациясының (ҚБФ) баспасөз қызметіне сілтеме жасап.
52 келіге дейінгі салмақ дәрежесіндегі алтын жүлде үшін өткен жекпе-жекте қазақстандық спортшы қырғызстандық Аруузат Маликовамен жұдырықтасты.
Жекпе-жек бірінші минутта-ақ Самалдың мерзімінен бұрын жеңісімен аяқталды.
"Бұл жекпе жек бүгінгі бағдарламада ең тез аяқталған кездесу ретінде тіркелді. Алғашқы минутта - нокаут", - делінген ҚБФ мәлімдемесінде.
Бұған дейін Самал Төлепберген жартылай финалға жолдама алу үшін өткен кездесуде өзбекстандық қарсыласын сенімді түрде жеңген болатын.
Самал Төлепбергеннің алтыны Қазақстан құрамасы үшін бұл турнирдегі алғашқы жүлде болғанын айта кеткен жөн.
Бұған дейін Сабрина Әділханова мен Нұржанат Бекназар финалда есе жіберіп, күміс жүлдені иеленген болатын.
Фото: Қазақстан бокс федерациясы
Бокстан Азия чемпионаты: Қазақстан - Өзбекстан жекпе-жегі қалай өтті?
Сегіз қазақстандық бокстан Азия чемпионатының алтын жүлдесі үшін бақ сынайды
