Sportitalia директоры Микеле Кришитьеллоның айтуынша, "Лациоға" қарсы 1:1 есебімен аяқталған матчтен кейін бапкер киім ауыстыратын бөлмеге апаратын дәлізде эмоцияға ерік беріп, ойыншылар туралы осындай сөздер айтқан.
"Аллегри, әрине, мұны жоққа шығарады. Матч аяқталып, киім ауыстыратын бөлмеге бара жатқанда, ол үш рет: "Мен бәрінен мықтымын, маған тек ойыншылар тауып беріңдер" деп айқайлаған. Бұл сөздер сол жерде болған кейбір ойыншыларға ұнамады", - деп жазды басылым Кришитьеллоның сөзін келтіріп.
Айта кетейік, Аллегридің жетекшілігімен "Наполи" А сериясында 10-орында келе жатыр және көш бастап тұрған "Лациодан" 14 ұпай қалып қойған. Ал алдыңғы бапкер Антонио Контенің тұсында команда 2024/2025 маусымында чемпион атанып, былтыр вице-чемпион болған.
Аллегри "Ювентуста" Роналдуды жаттықтырған
Еске сала кетейік, Массимилиано Аллегри - А сериясындағы ең тәжірибелі әрі титулы көп жаттықтырушылардың бірі. Ол "Милан", "Сассуоло", "Ювентус" және "Наполи" клубтарында жұмыс істеп үлгерген. Оның қоржынында ел чемпионатының алты жеңісі мен Италияның бес кубогі бар.
2018/2019 маусымында оның басшылығымен "Ювентуста" әлемнің үздік ойыншыларының бірі мәртебесінде келген португалиялық Криштиану Роналду ойнады. Команда Италия чемпионаты мен Суперкубогін жеңіп алғанымен, күтпеген жерден 1/4 финалда "Аякстан" (1:1; 1:2) ұтылып қалды. Маусым аяғында Аллегри бас бапкер қызметінен кетті.
Осыдан кейін Массимилиано Туринге 2021 жылы оралды, бірақ командаға чемпиондық титулды қайтарып бере алмады.
"Наполи" құрам құны бойынша А сериясының үздік бестігіне кірмейді
Айта кетейік, Transfermarkt порталының бағалауы бойынша, "Наполи" футболшыларының жалпы құны тізімде көш бастап тұрған "Интерден" 300 миллион еуроға кем (738 миллион мен 424 миллион). Сондай-ақ неаполитандықтардан тағы бес команда алда тұр: "Ювентус", "Комо", "Милан", "Рома" және "Аталанта".
Бұл ретте "Наполи" сапында Кевин де Брюйне, Скотт Мактоминей, Расмус Хойлунд сияқты жұлдызды футболшылар өнер көрсетеді.
“Тарихтағы ең үздік“: Роналду “Алтын допқа“ ақылы дауыс беруде Мессиден басым түсті
Криштиану Роналду алты голынан айырылды: рекордқа дейін қанша қалды?
“Қазақ сорпасынан дәм татты“ - италиялық БАҚ “Қайраттың“ сенсациялық тең ойыны туралы