“Барыс“ қарсыласын ойсырата жеңді

«Барыс» хоккей клубы. Фото: hcbarys.kz

Астаналық "Барыс" Құрлықтық хоккей лигасының (ҚХЛ) тұрақты чемпионатында тольяттилік "Ладаны" 6:0 есебімен ойсырата ұтып, биылғы маусымдағы үшінші жеңісіне қол жеткізді, деп хабарлайды Tengri Sport Vesti.kz сайтына сілтеме жасап.

Қазақстандық клуб кездесуді сенімді бастап, алғашқы кезеңнің өзінде-ақ алға шықты. Джейк Масси "Лада" қақпасын дәл көздеп, "Барыс" алғашқы үзіліске минималды басымдықпен кетті.

Instagram-дағы бұл жарияланымды көру

"Барыс" хоккей клубының жарияланымы (@barys_official)

Екінші кезеңде астаналықтар қысымды үдете түсіп, тағы екі шайба соқты. Алдымен Джастин Бейли көзге түссе, кейін Семён Симонов "Барыстың" басымдығын үш шайбаға дейін арттырды.

Instagram-дағы бұл жарияланымды көру

"Барыс" хоккей клубының жарияланымы (@barys_official)

Шешуші жиырма минуттықта Астана командасы есепті ірі нәтижеге жеткізді. Иан Маккошен төртінші шайбаны салса, артынша Бейли дубль авторы атанды.

Instagram-дағы бұл жарияланымды көру

"Барыс" хоккей клубының жарияланымы (@barys_official)

Қорытынды есепті Тайс Томпсон бекітті - 6:0.

Instagram-дағы бұл жарияланымды көру

"Барыс" хоккей клубының жарияланымы (@barys_official)

Бұл "Барыс" үшін ҚХЛ-дың биылғы маусымындағы үшінші жеңіс болды. Бұған дейін астаналық ұжым "Салават Юлаевты" (8:6) және "Сибирьді" (7:1) жеңген болатын, ал алдыңғы матчте Австралияға жол берсе, "Амурдан" 1:3 есебімен ұтылды.

18 қыркүйекте Михаил Кравецтің шәкірттері Магнитогорскіде "Металлургпен" кездеседі.