“Барыс“ Мәскеуде “Динамоны“ ойсырата ұтты

«Барыстың» мәскеулік «Динамомен» матчы. Фото: hcbarys.kz

Елордалық "Барыс" ҚХЛ тұрақты чемпионаты аясындағы сырт алаңдағы матчте мәскеулік "Динамоны" жеңді, деп хабарлайды Tengri Sport Vesti.kz сайтына сілтеме жасап.

Мәскеуде өткен кездесу негізгі уақытта 4:1 есебімен астаналықтардың пайдасына аяқталды.

Матчтің бірінші кезеңінде гол соғылған жоқ. Есеп екінші кезеңнің басында ашылды - 23-минутта Гарретт Пилон көзге түсті.

Instagram-дағы бұл жарияланымды көру

"Барыс" хоккей клубының жарияланымы (@barys_official)

28-минутта Никита Коростелев есепті теңестірді. Алты минуттан соң Пилон ресейлік клубтың қақпасына екінші шайбаны соқты.

Instagram-дағы бұл жарияланымды көру

"Барыс" хоккей клубының жарияланымы (@barys_official)

Үшінші кезеңде, 46-минутта Джейк Масси есепті 3:1-ге жеткізіп, "Барысты" алға шығарды. Соңғы минутта Джастин Бейли "Динамо" қақпасын дәл көздеді.

Instagram-дағы бұл жарияланымды көру

"Барыс" хоккей клубының жарияланымы (@barys_official)

Астаналықтар жеті матчте он ұпай жинап, Шығыс конференциясында үшінші орында тұр. "Динамо" сегіз ойыннан кейін сегіз ұпаймен Батыс конференциясында алтыншы сатыға жайғасқан.

Instagram-дағы бұл жарияланымды көру

"Барыс" хоккей клубының жарияланымы (@barys_official)

Бұған дейін Михаил Кравецтің шәкірттері төрт рет жеңіске жеткен болатын — олар "Сибирьді" (7:1), "Салават Юлаевты" (8:6), "Ладаны" (6:0) және "Локомотивті" (5:0) ұтты. Сондай-ақ елордалық команда екі кездесуде "Амурдан" (1:3) және "Металлургтен" (0:3) жеңіліп қалды.

"Барыс" келесі матчін 25 қыркүйекте Астанада "Нефтехимикке" қарсы өткізеді.