Боксшы жекпе-жектен кейін рингте сүйіктісіне ұсыныс жасады, бірақ үйлену тойы өтпейтін болды

Бокстан орынборлық Еуропа чемпионы Габил Мамедов үйлену тойы өтпейтінін айтты. Ол жекпе-жектен кейін рингте сүйіктісіне ұсыныс жасап, көпшілікке танылған болатын, деп хабарлайды Tengri Sport.

Боксшы 23 ақпанда кубалық Виктор Пересті жеңгеннен кейін рингте Алсу есімді қыздың алдында тізе бүгіп, үйленуге ұсыныс жасаған еді.

Ерекше оқиғаның видеосы сол кезде әлеуметтік желілердегі көптеген пабликте тарады.

@ural56ru

Орынборлық боксшы Габил Мамедов 23 ақпанда Мәскеуде өткен жекпе-жекте жеңіске жеткеннен кейін рингте сүйіктісіне ұсыныс жасады. Бокстан Ресей мен Еуропаның бес дүркін чемпионы кубалық Виктор Пересті тізе бүктіріп, артынша нағыз романтикалық тосын сый ұйымдастырды. Финалдық гонгтан кейін 31 жастағы боксшы рингке сүйіктісі Алсуды шақырып, жүрегін ұсынды. Қыз прожекторлар мен камералар алдында келісімін берді, ал көрермендер бұл сәтті қошеметпен қарсы алды. Видео: "Матч! Боец" телеарнасы

♬ түпнұсқа дыбыс - Урал56.Ру

Арада екі ай өтпестен Мамедов әлеуметтік желіде үйлену тойы өтпейтінін жариялап, оқырмандарын таң қалдырды.

"Той болмайды. Асығыс шешім қабылдағанымды мойындаймын, бұл - өмір, бұл - тәжірибе. "Не болды?" деп сұраудың қажеті жоқ, мұны тек жақындарым білуі тиіс", - деп жазды ол.

Жазба астындағы пікірлерде оқиғаның себебі туралы болжамдар жоқтың қасы, бірақ қолдау сөздері өте көп. Дегенмен, келемеждеген пікірлер де кездеседі.

"Өз шешіміңді дер кезінде түсіну - ересек адамның ісі!";

"Анаң қарсы болды ма?";

"Алсудың жаны ауырып, көңілі қалған шығар, ол көрікті қыз, ал саған әлі нағыз теңің кездеседі";

"Өйткені жеңіліп қалды!" - деп жазды желі қолданушылары.

Айта кетейік, кубалықты жеңгеннен кейін боксшы Самарада өткен әуесқойлар турниріне қатысып, онда төрешілер шешімімен Иван Григорьевтен жеңіліп қалған болатын.