Бокстан Азия чемпионаты: Қазақстан - Жапония жекпе-жегі нокаутпен аяқталды

23 жасқа дейінгі боксшылар арасындағы 75 келіге дейінгі салмақ дәрежесіндегі жекпе-жек Джакартада (Индонезия) өтті.

Жапон боксшысымен болған кездесу барысында Аман қарсыласын бірнеше рет нокдаунға түсірді, ал үшінші раундта төреші жекпе-жекті тоқтатуға мәжбүр болды.

Нәтижесі – Қонысбеков техникалық нокаутпен жеңіске жетті.

Айта кетейік, турнир регламенті бойынша үшінші орын үшін жекпе-жек өткізілмейді. Осылайша, қазақстандық боксшы кем дегенде қола жүлдені иеленді.

Қонысбеков Қазақстанға екі жыл бұрын оралды

Еске сала кетейік, этникалық қазақ Аман Қонысбеков – бокстан 2023 жылғы Өзбекстан чемпионатының қола жүлдегері және өзге елдің құрамасына кіруден үмітті болған.

2024 жылдың ақпанында ол тарихи отанына оралу туралы шешім қабылдап, жалпы негізде Қазақстан құрамасындағы орын үшін күресті бастады.

Аман 2024 жылдың мамырында өткен "Елорда кубогында" жаңа мәртебеде дебют жасап, қарсыласын екі рет нокдаунға түсіру арқылы бірден сенімді жеңіске жетті.

Бұған дейін қазақстандық Мәдира Жұмақан да нокаутпен жартылай финалға шықты 19 жасқа дейінгі спортшылар арасындағы бокстан Азия чемпионатында.