Елена Рыбакина жарақаттан кейін алғаш рет кортқа шықты: ол US Open-де ойнай ма?

Еліміздің үздік теннисшісі Цинциннатиде өткен алдыңғы турнирде алған жарақатына байланысты бір аптадан аса уақыт бойы кортқа шыға алмаған еді.

Ширек финалда Ига Швёнтекке қарсы матчті мерзімінен бұрын аяқтаған соң, қазақстандық спортшы жүрудің өзі мұң болғанын айтқан болатын.

US Open аясындағы жаттығу кезінде Рыбакина сенімді көрініп, екі аяғын да нық басып жүрді.

Елена Рыбакина US Open турнирінің бастапқы кезеңінде кіммен ойнайды?

Осы маусымдағы "Үлкен дулыға" сериясының соңғы турнирінде Елена Рыбакина жарысты бірінші айналымнан бастайды. Қазақстандықтың қарсыласы - әлемнің 580-ракеткасы, ұйымдастырушылардан Wild Card алған 17 жастағы корт иесі Теа Фродин болмақ.

Алдын ала кесте бойынша матч 30 тамызда сағат 20:00-де өтеді.

Рыбакина әлемнің бірінші ракеткасы атануы мүмкін

Еске сала кетейік, Елена Рыбакина турнир қорытындысы бойынша әлемдік рейтингте көш бастауы мүмкін. Ол үшін небәрі екі шарт орындалуы тиіс:

1. Елена Рыбакина US Open жартылай финалына дейін жетуі керек - бұл жағдайда оны ешкім басып оза алмайды.
2. Джессика Пегула, Коко Гауфф және Арина Соболенко турнирде жеңіске жетпеуі тиіс.

Егер отандасымыз жарыстан ертерек шығып қалса, ал рейтинг көшбасшыларының бірі жеңіске жетсе, онда сол теннисші рейтингтің шыңына шығады.

Рыбакина ма, Соболенко ма? WTA әлемдік рейтингке қатысты мәлімдеме жасады