+7 (777) 001 44
99
Финалға жолдама беретін матч тең дәрежелі күреспен басталды - екі теннисші де ұзақ уақыт бойы қарсыласының геймін ала алмады. Алайда бірінші сеттің соңында америкалық спортшының жолы болып, 1:0 (7:5) есебімен алға шықты.
Екінші партияны Рыбакина сенімдірек өткізді: есеп 2:2 болғанда ол брейк жасап, кейін сетті 6:2 есебімен жеңіске дейін жеткізді.
Шешуші сет те осыған ұқсас сценариймен өтті: 2:2 есебі кезіндегі брейк және қорытынды жеңіс.
Рыбакина Гауффты 5:7; 6:2; 6:2 есебімен жеңіп, финалға жолдама алды.
Айта кетейік, Гауфф та Рыбакина сияқты "Үлкен дулыға" турнирінің екі дүркін жеңімпазы - 2023 жылы ол өз елінде US Open турнирін, ал 2025 жылы "Ролан Гарросты" ұтып алған болатын.
ҮШ СЕТТІК ТАРТЫС 🚨
— wta (@WTA) 13 тамыз, 2026 жыл
Елена Рыбакина екінші сетте Гауффты 6:2 есебімен тізе бүктірді.#NBO26 pic.twitter.com/13F5pULcGH
Торонто турнирінің титулы үшін қазақстандық теннисші өзінің басты қарсыласы - Польша өкілі, әлемнің экс-бірінші ракеткасы Ига Швёнтекпен кездеседі.
Рыбакина әлемнің бірінші ракеткасы атағына барар жолда бірінен соң бірі камбэк жасап жатыр
Айта кетейік, Елена Рыбакина үшін Гауффты жеңген бұл кездесу қатарынан екінші рет бірінші сетте ұтылып қалып, кейін есепті өз пайдасына шешкен матч болды. 1/4 финалда қазақстандық теннисші US Open турнирінің тағы бір чемпионы, жапониялық Наоми Осакамен болған ойын тағдырын өзгерте алды.
Әрбір келесі жеңіс Елена Рыбакинаны тарихи жетістікке жақындата түседі - қазақстандық спортшы әлемдік рейтингте беларусьтік Арина Соболенкоға жақындап келеді. Торонто турнирінде жеңіске жеткен жағдайда, олардың арасында небәрі 4 ұпай ғана қалады, ал екі аптадан кейін Қазақстан өкілі әлемнің бірінші ракеткасы атануы мүмкін.
Рыбакина US Open чемпионына қарсы камбэк жасағаннан кейін бірінші орын туралы пікір білдірді
