+7 (777) 001 44
99
Нью-Йоркте өткен кездесу 29 жастағы Зверевтің пайдасына 6:3, 7:6 (7:2), 5:7, 6:2 есебімен аяқталды.
Championat мәліметінше, матч 3 сағат 36 минутқа созылды. Ойын барысында неміс теннисшісі тоғыз рет эйс жасап, алты рет қос қателік жіберді және иеленген алты брейк-пойнттың төртеуін сәтті пайдаланды. Америкалықтың еншісінде 10 эйс пен төрт қос қателік бар, ол үш брейк-пойнттың біреуін ғана жүзеге асыра алды.
Шешуші әрі жеңісті геймнің соңында Зверев жеңіске жеткенін бірден түсінбей қалды: матч жалғасып жатыр деп ойлаған ол допты қарсыласының жағына лақтырып жіберіп, соққыны қабылдауға дайындала бастады. Бірнеше секундтан кейін ғана турнир жеңімпазы атанғанын сезінген спортшы қолын көтеріп, қуаныштан жүзі бал-бұл жанған.
ОЛ ЖЕҢІСКЕ ЖЕТКЕНІН БІЛМЕЙ ҚАЛДЫ 🏆
— US Open Tennis (@usopen) 13 қыркүйек, 2026 жыл
Александр Зверев 2020 жылғы сәтсіздікті еңсеріп, Шелтонды 6-3, 7-6, 5-7, 6-2 есебімен жеңді және өзінің алғашқы US Open титулын иеленді!pic.twitter.com/f0Cnl2xvgI
Бұл неміс теннисшісінің осы маусымда жеңіп алған екінші Үлкен дулыға турнирі: маусым айында ол Франция ашық чемпионатында ("Ролан Гаррос") топ жарған болатын.
Қандай керемет жол! pic.twitter.com/KKrTTTBypx
— US Open Tennis (@usopen) 13 қыркүйек, 2026 жыл
Осылайша, Зверев кейінгі 30 жылда Үлкен дулыға турнирін жеңген Германияның алғашқы өкілі болды. Бұған дейін мұндай жетістікке 1996 жылы Australian Open-де Борис Беккер қол жеткізген еді. Дәл осы теннисші он финал және алты жеңіспен ұлттық рекордты әлі күнге дейін ұстап тұр.
Алты жылдан соң, басқаша аяқталу 🏆 pic.twitter.com/zVRxi608pm
— US Open Tennis (@usopen) 13 қыркүйек, 2026 жыл
Кіші Александр Зверев – кеңестік теннисшілер Александр Зверев пен Ирина Фатееваның ұлы. Ол Үлкен дулыға сериясының барлық төрт турнирінде де финалға дейін жеткен жалғыз неміс спортшысы. 2026 жылы оның бұл жарыстардағы статистикасы – 25 жеңіс және 2 жеңіліс.
БАҚ мәліметінше, Зверев US Open-дегі жеңісі үшін рекордтық 5,5 миллион доллар (2,48 миллиард теңге) сыйақы алды. Осындай соманы турнирдегі жеңісі үшін Қазақстанның әйелдер арасындағы жекелей сындағы бірінші ракеткасы Елена Рыбакина да иеленді.
Еске сала кетейік, қазақстандық теннисші финалда беларусьтік Арина Соболенконы 6:4; 5:7; 6:2 есебімен ұтып, мансабында алғаш рет US Open жеңімпазы атанған болатын.
Рыбакина Әйелдер теннис қауымдастығының (WTA) әлемдік рейтингін ресми түрде бастап тұр, оның еншісінде 9901 ұпай бар. Соболенко 7875 ұпаймен екінші орында. Үздік үштікті 7265 ұпаймен америкалық Джессика Пегула түйіндеп тұр.
