+7 (777) 001 44
99
Әлемнің екінші ракеткасы қазақстандық Елена Рыбакина Уимблдондағы алғашқы матчін франциялық Лоис Буассонға қарсы өткізеді, деп хабарлайды Tengri Sport.
Қазақстандық теннисші "Үлкен дулыға" турнирін әлемнің 154-ракеткасы, франциялық Лоис Буассонмен кездесуден бастайды. Ойын 29 маусымға жоспарланған.
Instagram-дағы бұл жарияланымды көру
Айта кетейік, Уимблдон турниріне тағы бір қазақстандық теннисші Юлия Путинцева қатысады.
Оның қарсыласы - Германия өкілі, әлемнің 112-ракеткасы Татьяна Мария. Матч 29 маусымда өтеді.
Instagram-дағы бұл жарияланымды көру
Сондай-ақ ширек финалда кездесуі мүмкін жұптар анықталды.
Уимблдон-2026 турнирінің ықтимал ширек финалдық жұптары:
- Арина Соболенко (Беларусь, 1-нөмір) - Мирра Андреева (Ресей, 5);
- Джессика Пегула (АҚШ, 4) - Кори Гауфф (АҚШ, 7);
- Элина Свитолина (Украина, 8) - Ига Швёнтек (Польша, 3);
- Аманда Анисимова (АҚШ, 6) - Елена Рыбакина (Қазақстан, 2).
Instagram-дағы бұл жарияланымды көру
Елена Рыбакина Уимблдон-2022 чемпионы
2022 жылдың шілдесінде қазақстандық теннисші Елена Рыбакина "Үлкен дулыға" турнирін жеңіп алған Қазақстанның алғашқы өкілі атанды. Уимблдон финалында ол Тунис спортшысы Онс Жаберді үш сетте (3:6, 6:2, 6:2) қапы қалдырды.
Бұл жеңісі үшін Рыбакина 2 миллион фунт стерлинг (1,28 миллиард теңге) сыйақы алды.
Бұл жетістік Еленаның мансабындағы ең жарқын сәттердің біріне айналып, оны әлемдік теннис элитасына қосты.
Instagram-дағы бұл жарияланымды көру
Бұған дейін әлемнің екінші ракеткасы, қазақстандық Елена Рыбакина Лондондағы турнирден шығып қалғаннан кейін Instagram-дағы парақшасын өшіріп тастаған болатын.
