+7 (777) 001 44
99
Қазақстандық аралас жекпе-жектің ең танымал өкілі Еркебұлан Тоқтар келесі кездесуін поп-ММА жұлдызы Артем Тарасовқа қарсы өткізеді, деп хабарлайды Tengri Sport.
Белгілі қазақстандық файтер әрі актер Еркебұлан Тоқтар әлеуметтік желідегі парақшасында поп-ММА жұлдызы Артем Тарасовпен жұдырықтасатын турнирдің афишасын жариялады.
Instagram-дағы бұл жарияланымды көру
Ал Артем Тарасов өз әлеуметтік желісінде қазақстандық спортшымен жекпе-жекке келісімшартқа қол қойып жатқан сәті түсірілген видеоны жариялады.
Жекпе-жек 4 шілде күні "Алматы Аренада" өтетін IBA NOMAD 15 турнирі аясында ұйымдастырылады.
Instagram-дағы бұл жарияланымды көру
Еркебұлан Тоқтар деген кім?
Еске сала кетейік, Еркебұлан Тоқтар - актер, ол ұзақ уақыт бойы поп-ММА-да өнер көрсетіп, кейін кәсіпқой жекпе-жекке ауысқан. Қазіргі таңда оның рекорды - 11-3.
Арменияда өткен соңғы жекпе-жегінде Тоқтар төрешілердің шешімімен Қырғызстан өкілі Марсель Нұрланбек ұлынан жеңіліп қалды.
Қазіргі уақытта Тоқтар - Қазақстандағы ММА-дің ең танымал өкілі, оның парақшасына 2,3 миллион адам жазылған.
Instagram-дағы бұл жарияланымды көру
Артем Тарасов деген кім?
Артем Тарасов - ресейлік аралас жекпе-жек шебері, поп-ММА-дің ең танымал өкілдерінің бірі.
Самбодан спорт шебері атағы бар. ММА-дегі кәсіби мансабын 2011 жылы бастағанымен, ол поп-ММА форматы арқылы кеңінен танымал болды.
Тарасов белсенді түрде блог жүргізеді, телевизиялық жобаларға қатысқан, сондай-ақ блогерлер мен медиа тұлғалар қатысатын турнирлерде тұрақты өнер көрсетеді. Ол өзінің ерекше харизмасымен және жекпе-жек алдындағы арандатушылықтарымен танымал, бұл оған кездесулерге деген қызығушылықты тиімді арттыруға мүмкіндік береді.
Поп-ММА-де ол көрермен назарын тұрақты түрде өзіне аударатын тәжірибелі әрі танымал қатысушылардың бірі саналады.
Instagram-дағы бұл жарияланымды көру
Тағы оқыңыздар: “Жеңіл-желпі жарақат“: Еркебұлан Тоқтар жол апатына түсті
