Еуро іріктеуі: Қазақстан - Португалия матчі сенсациямен аяқталды

19 жасқа дейінгі Қазақстан футбол құрамасы Еуропа чемпионатының іріктеу кезеңі аясында Португалия құрамасымен тең түсті, деп хабарлайды Tengri Sport.

Бірінші таймнан кейін есеп 0:0 болды, бұл ретте қазақстандықтарда қарсыластарына қарағанда гол соғатын мүмкіндіктер көбірек болды.

Екінші таймда біздің команданың жаттықтырушылар штабы бес ауыстыру жасады. Кездесудің екінші жартысында алаңға шыққандардың бірі 18 жасар Алдияр Нұрғали болды.

Кездесу тағдырын испаниялық "Леванте" клубының вингері шешті. 81-минутта португалиялықтар есеп ашқанымен, 86-минутта Нұрғали қарсы шабуылды сәтті аяқтап, таразы басын теңестірді.

Матч 1:1 есебімен аяқталды.

Айта кетейік, Қазақстан мен Португалия Грекия және Сербиямен бір топқа түскен. Іріктеу тобындағы төрт команданың үшеуі іріктеудің келесі кезеңіне жолдама алады.