Бірнеше дереккөздің мәліметінше, 28 жастағы қорғаушыға өз үйінің кіреберісінде шабуыл жасалған. Клуб Ндиайе мен оның отбасына қазір ешқандай қауіп төніп тұрмағанына хабарлады.
"БАҚ командамыздың футболшысы Папе Альюн Ндиайеге қатысты оқиға туралы ақпараттың таралуына байланысты аталған жағдайдың шынымен болғанын хабарлаймыз. Оқиға тұрмыстық сипатта болған, көршілер арасындағы келіспеушіліктен туындаған. Бұл жағдай футболшы мен оның отбасы мүшелерін алаңдатқанымен, абырой болғанда, ешкім зардап шеккен жоқ.
Қазіргі уақытта жанжал бейбіт жолмен толық реттелді. Тараптар өзара түсіністікке келіп, бір-біріне ешқандай шағымдары жоқ екенін білдірді. Оқиғаның мән-жайы құқық қорғау органдарының назарында.
Футболшы мен оның отбасы қауіпсіз жерде, олардың өмірі мен денсаулығына ешқандай қауіп төніп тұрған жоқ. "Тобыл" футбол клубы өз ойыншысы мен оның отбасына қолдау білдіреді", - делінген ресми мәлімдемеде.
Ойыншының өзі де әлеуметтік желіде мәлімдеме жасап, Қостанай полициясына алғыс айтты.
"Жағдайым жақсы. Олардың қолында суық қару болса да, Дәуреннің мызғымас еш жарақат алмадым. Кейін жағдайды бақылауға алған Қостанай полициясына да алғысымды білдіремін", - деп Instagram-да қазақ тілінде жазды ойыншы.
Tengri Sport оқиғаға қатысты пікір алу үшін Қостанай облыстық Полиция департаментіне хабарласты.
Папе-Алиун Ндиайе деген кім?
Тегі африкалық француз футболшысы Қостанайға барғанға дейін Франция, Италия, Түркия, Австрия және Украина клубтарында ойнаған.
Қорғаушы "Тобыл" сапында 2024 жылдың ақпанынан бері өнер көрсетеді. Осы уақыт ішінде ол Қазақстан Кубогі мен елдің екі Суперкубогін жеңіп алды. Ол қостанайлықтар сапында барлық турнирде 86 ойын өткізіп, 1 гол соқты және 3 нәтижелі пас берді.
“Трагедия“: Роналду матч кезіндегі футболшының қазасына қатысты пікір білдірді