+7 (777) 001 44
99
Бұрынғы әлем чемпионы, Қазақстан Ұлттық Олимпиада комитетінің және World Boxing ұйымының басшысы Геннадий Головкин Мысырдың Гиза қаласында өткен бокс кешінде украиналық Александр Усик пен нидерландтық Рико Верхувен арасындағы жекпе-жекті тамашалады, деп хабарлайды Tengri Sport.
Шара кезінде Геннадий Головкиннің Сауль Альварес пен Энтони Джошуамен қатар отырып, жекпе-жекті бақылаған сәті камераға түсіп қалды.
Жекпе-жек 11-раундта Александр Усиктің жеңісімен аяқталды.
Осылайша украиналық боксшы ауыр салмақтағы WBA Super, WBC және The Ring нұсқалары бойынша әлем чемпионы атақтарын сақтап қалды.
Ортақ 36 раунд 🤝
— Ring Magazine (@ringmagazine) 23 мамыр, 2026 жыл
Канело Альварес пен Геннадий Головкин Мысырдағы ринг жанында кездесті 👏
Glory in Giza | 23 мамыр | Қазір DAZN-да тікелей эфирде 🥊 pic.twitter.com/Wx8Y4Qg6bz
Канело — Головкинді жеңген жалғыз боксшы
2017-2022 жылдар аралығында Геннадий Головкин мексикалық Сауль «Канело» Альвареспен үш рет жұдырықтасты. Үш жекпе-жек те Лас-Вегаста өтті.
Алғашқы кездесу тең аяқталды. Ал 2018 және 2022 жылдары өткен кейінгі екі жекпе-жекте төрешілер жеңісті мексикалық боксшыға берді.
Кейін бұл кездесулер жасанды интеллект көмегімен сараланған. Нәтижесінде Головкиннің үш жекпе-жектің екеуінде басым болғаны көрсетілген.
