Хоккейден Әлем чемпионаты: Қазақстанның қарсыластары белгілі болды

Хоккейден Қазақстан құрамасы келесі маусымда әлем чемпионатының элиталық дивизионында өнер көрсетеді. Халықаралық хоккей федерациясы (IIHF) турнирдің топтық кезеңдерінің құрамын жариялады, деп хабарлайды Tengri Sport тілшісі федерацияның баспасөз қызметі.

Бірінші дивизиондағы жеңістен кейін қазақстандық хоккейшілер қазіргі Олимпиада чемпиондары – АҚШ-пен, 2026 жылғы әлем чемпионатының басты сенсациясы атанған Норвегия құрамасымен, сондай-ақ Канада, Чехия, Словакия, Дания және Венгрия командаларымен күш сынасады.

Екінші топта әлемнің қазіргі чемпиондары – Финляндия командасы, сонымен қатар Швейцария, Швеция, Германия, Латвия, Словения және Украина құрамалары ойнайды.

Еске сала кетейік, элиталық дивизиондағы соңғы әлем чемпионатына (2025 жыл) қатысу барысында Қазақстан құрамасы элитадағы орнын Венгрия командасына беріп қойған болатын.

Айта кетейік, 2027 жылғы хоккейден әлем чемпионаты 14-30 мамыр аралығында Германияда өтеді.

Хоккейден Қазақстан құрамасы 2026 жылғы ӘЧ-дегі барлық матчте жеңіске жетті

Еске сала кетейік, бірінші дивизиондағы хоккейден әлем чемпионатында Қазақстан құрамасы барлық матчте жеңіске жетті: топтық кезеңде Қазақстан Литваны (4:1), Жапонияны (6:0), Польшаны (3:2), Украинаны (буллит бойынша 5:4) және Францияны (буллит бойынша 3:2) ұтты.

Бұған дейін Хоккейден Қазақстан құрамасының көшбасшысы Кирилл Савицкийдің келісімшарты аяқталды, ал оның жары жанкүйерлерді сабырға шақырды.