+7 (777) 001 44
99
Ислам Махачев украиналық Ярослав Амосовты жартылай орта салмақ жолындағы басты қауіп деп санай ма деген сұраққа жауап берді.
Ресейлік спортшы оны қауіпті деп санамайтынын айтып, өзі үшін ең мықты қарсылас бұған дейін жеңген Иэн Гэрри екенін атап өтті. Махачевтің айтуынша, дәл осы ирландиялық келесі чемпион атанады.
- Дастин Порье сен үшін ең қиын қарсылас Пратес те, Моралес те, Шавкат та емес, Ярослав Амосов болады деген пікір білдірді. Бұған не айтасың?
- Жоқ, мен оны қауіпті қарсылас деп ойламаймын. Оның жекпе-жегін көрдім, біреу оның күресін тоқтатқанда не болғанын байқадым. Мен оны өзім үшін мүлдем қауіпті файтер санамаймын. Меніңше, ең қауіпті әрі салмақты қарсыластардың бірі Иэн Гэрримен болған айқас еді. Мен кеткеннен кейін ол чемпион болады деп ойлаймын, - деп жауап берді Махачев.
Еске сала кетейік, Махачев пен Гэрри арасындағы титулдық жекпе-жек UFC 330 турнирінде өтіп, кештің басты оқиғасы болды.
Махачев жекпе-жек барысында үнемі тейкдаун жасап, Гэрриді партерде ұстап тұрды. Ирландиялық спортшы тік тұрып төбелесуде, әсіресе үшінші және төртінші раундтарда белсендірек болғанымен, чемпион күрес есебінен басымдығын сақтап қалды.
Бесінші раундта ресейлік файтер қарсыласын тағы партерге түсіріп, арқасынан қысты да, жекпе-жек аяқталғанша осы позицияда ұстап тұрды. Бес раундтың қорытындысы бойынша төрешілер жеңісті бірауыздан Махачевке берді.
Рахмонов: "Мен Ислам үшін ең ыңғайсыз қарсыласпын"
Бұған дейін жеңілмеген қазақстандық Шавкат Рахмонов сұхбатында UFC чемпионы Ислам Махачев үшін ең қауіпті қарсылас екенін мәлімдеген болатын. "Номадтың" айтуынша, ол соққы бағытында мықтырақ және күресте де ресейліктен қалыс қалмайды.
"Мен Ислам үшін ең ыңғайсыз қарсыласпын. Тік тұрып төбелесуде менің деңгейім Исламнан жоғары. Біздің жекпе-жегіміз бәсекеге толы болады", – деді спортшы.
Instagram-дағы бұл жарияланымды көру
Сондай-ақ Шавкат Рахмонов Ислам Махачев белбеуді жеңіп алғаннан кейін "түсініксіз әрекеттер жасап", басқа қарсыластарды таңдағаны туралы пікірін бөлісті.
"Ислам чемпион болған кезде: Камару Усманмен жұдырықтасқым келеді, анау-мынау деп, сондай бір түсініксіз нәрселер істей бастады. Маған бұл ұнамады. Әрине, мен Исламды адам ретінде сыйлаймын, бірақ онымен жекпе-жекке шығуға ең лайықтысы мен едім. Мүмкін бір жыл бойы төбелеспеген шығармын, бірақ мен UFC-де жеті жекпе-жектің бәрінде жеңіске жеттім", – деді Рахмонов.
Ярослав Амосов деген кім?
Ярослав Амосов - жартылай орта салмақта өнер көрсететін украиналық аралас жекпе-жек шебері. Жауынгерлік самбодан төрт дүркін әлем чемпионы және бірнеше дүркін Еуропа чемпионы, еңбек сіңірген спорт шебері.
Instagram-дағы бұл жарияланымды көру
ММА-дағы кәсіби мансабын 2012 жылы бастаған. Ұзақ уақыт бойы жеңіліссіз келіп, 2021 жылы жартылай орта салмақта бразилиялық Дуглас Лиманы жеңіп, Bellator чемпионы атағын алды.
Ресей-Украина қақтығысы басталғаннан кейін Украинада қалып, туған қаласы Ирпеньді қорғауға қатысты. Кейін ММА-ға оралып, Bellator белбеуін америкалық Логан Сторлимен болған айқаста қорғап қалды.
Кейін, 2023 жылы ямайкалық Джейсон Джексоннан алғаш рет жеңіліп, титулынан айырылды. UFC-ге ауысқаннан кейін Нил Магни мен Хоэль Альваресті қылқындыру әдісімен жеңіп, мерзімінен бұрын екі жеңіске ие болды. Қазіргі уақытта промоушен рейтингінде 11-орында тұр.
Бүгінде Амосовтың рекорды - 29 жеңіс және 1 жеңіліс.
Амосов бастан және қолдан бақылауға алу үшін қолын айналдырады
— Open Note Grappling 📝 (@OpenNoteGrapple) 14 желтоқсан, 2025 жыл
Ол соққы жасай бастайды, ал Магни қарсылық көрсетуге тырысады
Содан кейін Амосов Магниді басып тұру үшін білегінен қысады
Магни қарсыласуын жалғастырады, сол кезде Амосов аяғын Магнидің қолынан асыра лақтырып, гильотина әдісіне көшеді
Сосын анаконда әдісін жасау үшін алға аунайды pic.twitter.com/BaqH7OE4Sk
“Күтуім керек пе?“ Махачев Рахмоновпен титулдық жекпе-жек туралы айтты
