Қазақстан Азия Пара ойындарының алтыны үшін таласта Өзбекстанды басып озды

Бейнеден кадрлар

Қазақстандық паравелошабандоздар Жапониядағы Азия Пара ойындарында екі алтын және бір күміс жеңіп алды, деп хабарлайды Tengri Sport.

21 қазанда Ойындарда B класы (көру қабілеті бұзылған спортшылар) бойынша ерлер мен әйелдер арасында жекелей жарыстар өтті.

Ерлер арасындағы жарыста бірінші орын үшін екі қазақстандық экипаж бақ сынасты. Нәтижесінде Наиль Ермұханбет пен оның пилоты Руслан Әлиев 34 минут 9,17 секунд көрсеткішімен жеңіске жетіп, чемпион атанды. Ал Кирилл Илюкевич пен оның пилоты Глеб Брусенский 35 минут 26,64 секунд нәтижесімен күміс жүлдені иеленді.

Әйелдер арасындағы жарыста қазақстандық Анастасия Калаус пен оның пилоты Полина Братчикова 32 минут 21,54 секунд нәтижесімен қарсыластарын басып озды. Олар көшбасшылық үшін таласта Өзбекстан экипажынан 24 секундқа алға шықты.

Instagram-дағы бұл жарияланымды көру

KAZAKHSTAN PARALYMPIC TEAM 🇰🇿 (@kazparalympics) жариялаған пост

Азия Пара ойындарында Қазақстан құрамасында қанша медаль бар?

Паравелошабандоздардың бұл жүлделері ұлттық құрама үшін 8-ші және 9-шы алтын медаль болды.

Қазіргі таңда Қазақстан қоржынында 31 медаль бар: 9 алтын, 10 күміс және 12 қола. Медальдар кестесінде ел құрамасы сегізінші орында тұр. Қазақстанға ең көп алтын жүлдені парадзюдошылар (4 алтын) сыйлады.

Азия Пара ойындары 24 қазанға дейін жалғасады. Айта кетейік, бұған дейінгі жарыстарда Қазақстан құрамасы барлығы 8 алтын медаль иеленген болатын.

Құлмырза Қазақстанға Азия Пара ойындарының төртінші алтынын сыйлады