Құлмырза Қазақстанға Азия Пара ойындарының төртінші алтынын сыйлады

Фото: instagram.com/csp_parasport.kz

Қазақстандық спортшы Бексұлтан Құлмырза парадзюдодан J2 класында Азия ойындарының финалында жеңіске жетті, деп хабарлайды Tengri Sport.

21 жастағы қазақстандық 81 келіге дейінгі салмақ дәрежесінде Азия пара ойындарының алтынын иеленді. Финалда ол оңтүстіккореялық Ким Дон Хунды жеңді.

Бұл марапат – Қазақстан құрамасы үшін 2026 жылғы Азия Пара ойындарындағы төртінші алтын медаль.

Бексұлтан Құлмырза деген кім?

2025 жылдың мамыр айында Бексұлтан парадзюдодан IBSA әлем чемпионатының алтынын жеңіп алған болатын. Енді ол 21 жасында өз класында әрі әлем чемпионатының, әрі Азияданың жеңімпазы атанды.

Айта кетейік, Құлмырза өнер көрсететін J2 класы — көру қабілеті бұзылған, бірақ қалдық көру қабілеті сақталған, алайда ол айтарлықтай шектелген спортшыларға арналған жарыс санаты.

Instagram-дағы бұл жарияланымды көру

CSP-parasport.kz (@csp_parasport.kz) жарияланымы

Еске сала кетейік, Азия Пара ойындары 24 қазанға дейін жалғасады. Алдыңғы ойындарда Қазақстан құрамасы 8 алтын медаль жеңіп алып, жалпы есепте 11-орынға тұрақтаған болатын.

Бұған дейін Азия пара ойындарының алғашқы алтын медалін Қазақстан құрамасына мерген Еркін Ғаббасов сыйлаған болатын.

Қазақстан қоржынына екінші алтынды парапауэрлифтер Давид Дегтярев салды, ал үшінші жоғары дәрежелі марапатты - парадзюдошы Ибрагим Нұрмаханұлы иеленді.