Қазақстан - Жапония арасындағы Азиада алтыны үшін өткен жекпе-жек мерзімінен бұрын аяқталды

Фото: instagram.com/qaz_team_official

70 келіге дейінгі салмақ дәрежесінде өнер көрсететін қазақстандық дзюдошы Ажар Асхат 2026 жылғы Азия ойындарының күміс жүлдесін иеленді, деп хабарлайды Tengri Sport.

Финалдық белдесуде отандасымыз татами иесі, жапондық дзюдошы Рин Маэдамен кездесті.

Белдесу барысы

Белдесу тез арада партерге ауысты: қазақстандық дзюдошы іліп алу әдісін жасап, қарсыласын жығуға тырысқанымен, ол аяғында нық тұрып қалды, содан соң спортшыларды тұрғызды. Бұдан кейін жапон балуаны сәтті әдіс жасап, оған 1 "юко" және 1 "ваза-ари" ұпайы берілді.

Спортшылар қайтадан тұрғызылғанымен, Рин жылдам әдіс жасап, төрешілер оны "иппон" деп бағалады. Осылайша Ажар Асхат Азиаданың "күмісін" еншіледі.

Еске сала кетейік, жартылай финалда Асхат Моңғолия өкілі Анужин Уран-Улзиймен кездескен болатын. Белдесу белгіленген төрт минутқа созылды. Қазақстандық спортшы белсенді әрі сенімді қимылдап, кездесу барысын бақылауда ұстады және нәтижесінде "ваза-ари" ұпайымен жеңіске жетті.

Instagram-дағы бұл жарияланымды көру

KAZ JUDO TEAM (@kaz_judoteam) парақшасынан жарияланым

Айта кетейік, бұған дейін Қазақстанның өзге де дзюдошылары Азия ойындарының жүлдесіне ие болған еді. Эсмигүл Куюлова 63 келіге дейінгі салмақ дәрежесінде қола медаль үшін өткен белдесуде өзбекстандық Маржон Нуруллоеаны жеңді.

Ал 81 келіге дейінгі дивизионда өнер көрсеткен Әділет Алмат финалға шығып, күміс медаль иеленді.