Қазақстан жастар арасында ММА-дан абсолютті Азия чемпионы атанды

Вьетнамда United World Wrestling (UWW) аясында өтіп жатқан ММА және панкратионнан Азия чемпионатында Қазақстанның U-17 жасөспірімдер құрамасы жалпыкомандалық есепте бірінші орын иеленді, - деп хабарлайды Tengri Sport.

Қазақстандық спортшылар жоғары дайындық деңгейін көрсетіп, 6 медаль жеңіп алды. Турнир чемпиондары атанғандар:

• Әділғазы Әбілмансұр (57 келі);
• Айғалин Нұрәлім (62 келі);
• Еркебұлан Әмірлан (100 келі).

Күміс медаль иегерлері:

• Вон Лев (71 келі);
• Сәлім Мәлика (53 келі).

Қалиасқар Нұртас қола жүлдеге ие болды.

Осылайша, Қазақстанның U-17 құрамасы жалпыкомандалық есепте бірінші орынға табан тіреді.

Чемпионат жалғасып жатыр, бүгін U-20 санатындағы спортшылар мен ересек ММА шеберлері жарыс жолына шығады.