Қазақстан құрамасына елдің бірінші ракеткасы шақырылмады: себебі айтылды

18–19 қыркүйекте Астанада теннистен Қазақстан құрамасы Дэвис кубогының бірінші әлемдік тобының плей-офф кезеңіне жолдама алу үшін Таиланд командасын қабылдайды.

Ойынға қатысатын құрамға елдің үздік теннисшісі Александр Бублик шақырту алмады. Команда капитанының айтуынша, мұндай шешім басқа ойыншыларға құрама сапында өнер көрсетуге мүмкіндік беру мақсатында қабылданған.

"Құрамды жасақтау кезінде біз бірнеше факторды ескердік. Әрине, алдымызда алдағы матчте жеңіске жету міндеті тұр және біз Таиланд құрамасына үлкен жауапкершілікпен қараймыз. Сонымен қатар, мұндай кездесулерді құрамды кеңейту және басқа теннисшілерге ойын тәжірибесін беру үшін пайдалануды маңызды деп санаймыз.

Сондықтан бұл жолы Александр Бубликсіз ойнауды ұйғардық. Александр біздің құраманың көшбасшыларының бірі болып қала береді, ал оның жоқтығы біздің басқа ойыншыларды тартып, команданың қосалқы құрамын біртіндеп нығайту туралы шешімімізбен байланысты", - деді Досқараев.

Тәлімгер ерекше атап өткендердің қатарында команда ардагері Тимофей Скатов пен жас талант Әмір Омарханов бар.

"Біз көптен бері құрама сапында жекелей сында ойнамаған Тимофей Скатовқа көбірек мүмкіндік бергіміз келеді. Осы кездесуге дайындық барысында коррт төсенішін таңдау кезінде оның ойын ерекшеліктерін де ескердік. Біз үшін тағы бір маңызды бағыт — жас теннисшілерді біртіндеп тарту.

Құрамда Әмір Омарханов бар, оған Дэвис кубогы матчтерінің тәжірибесін жинақтап, ұлттық құрама нәтижесі үшін жауапкершілікті сезіну қажет. Таиланд сияқты қарсыластармен кездесу бұған жақсы мүмкіндік береді", - дейді маман.

Айта кетейік, Александр Бублик ұлттық құрама үшін өткізген соңғы матчтерде аса сәтті өнер көрсете алмады. 2025 жылы ол жекелей сында оңтүстіккореялық Квон Сун Вудан ұтылып, команда Әлемдік топтан шығып қалған болатын.

Ал 2026 жылы Александр Бублик Монако командасына қарсы үш матчке қатысып, соның екеуінде (біреуі жұптасуда) есе жіберді.

Соған қарамастан, Бублик Қазақстан тарихындағы ерлер арасындағы жекелей сындағы ең үздік теннисші болып қала береді. Қазіргі уақытта ол әлемдік рейтингте 16-шы орында тұр.

Александр Бублик қарсыласын ойсырата жеңіп, US Open турнирінің үшінші айналымына шықты