Қазақстан құрамасы Шерхан Қалмұрзаға қатысты шешім қабылдады

Еліміздің танымал футболшысы - "Қайрат" қақпашысы Шерхан Қалмұрза U-21 құрамасында дебют жасауы мүмкін, деп хабарлайды Tengri Sport ҚФФ баспасөз қызметіне сілтеме жасап.

18 жастағы қақпашы Беларусь құрамасына қарсы өтетін алдағы жолдастық кездесулерге шақырту алған ойыншылар құрамына енді.

Бұған дейін Шерхан тек U-18 командасында ойнаған болатын.

Бапкер Владимир Чебурин Минск пен Барановичиде (Беларусь) өтетін ойындарға дайындық үшін Шерханды 25 ойыншының қатарына шақырды.

Қазақстан U21 құрамасының құрамы

Қақпашылар: Дулат Талыспаев ("Кеге", Дания), Шерхан Қалмұрза ("Қайрат"), Мирас Рихард ("Ертіс").

Қорғаушылар: Сұлтан Асқаров ("Қайсар"), Әли Тұрғанов ("Ордабасы"), Әмірбек Базарбаев, Данияр Ташпулатов (екеуі де – "Қайрат"), Санжар Әнуаров ("Астана"), Сергей Иванов ("Алтай"), Сағи Маликайдар ("Ұлытау"), Рамазан Кәрімов ("Ертіс").

Жартылай қорғаушылар: Мирас Оматай, Тамерлан Ағыманов, Нұрдәулет Байбосынов (барлығы – "Ертіс"), Шыңғыс Дүйсенбек, Мұхамедәлі Әбіш, Олжас Байбек, Азамат Тұяқбаев (барлығы – "Қайрат"), Димаш Серікұлы ("Қайсар"), Сэйф Попов ("Алтай"), Жансұлтан Мұхаметханов ("Оқжетпес").

Шабуылшылар: Рамазан Бағдат ("Қайрат"), Ян Труфанов ("Атырау"), Артем Литош ("Шахтер"), Мансұр Бирқұрманов ("Жетісу").

Айта кетейік, команда 30 мамырда Талғарда оқу-жаттығу жиынына жиналады, ал ойындар 5 және 8 маусымда өтеді.

Шерхан Қалмұрза деген кім?

Еске сала кетейік, "Қайрат" қақпашысы былтыр Чемпиондар лигасының матчтеріне негізгі құрам ойыншысына ретінде қатысқаннан кейін бүкіл елге танымал болды.

18 жастағы қақпашы "Спортинг" пен "Реалға" қарсы ойындарда негізгі құрамда шығып, бірнеше әсерлі сейв жасады және жанкүйерлер мен қарсыластардың үлкен құрметіне ие болды.

Жас қақпашының қалыптасу тарихы оның әлеуметтік желілеріне санаулы күндердің ішінде 300 мыңға жуық адамның жазылуына түрткі болды. Қазір Шерханның Instagram-дағы парақшасында 290 мың оқырман бар. Осылайша, ол елдегі ең танымал футболшы болып отыр.

Бұған дейін Қазақстанның 16 жасқа дейінгі құрамасына алғаш рет "Барселонамен" келісімшартқа отырған 15 жастағы Кәрім Меңдіқанов шақырту алған болатын. Біз футболшымен кездесіп, оның Испанияға қоныс аударуы, Ямальмен кездесуі және Оралдағы балалық шағы туралы сөйлестік.