Қазақстандық қақпашы қазанда ҚХЛ-дің үздік қақпашысы болып танылды. 28 жастағы қазақстандық голкипер бір ай ішінде екі ойында қақпасына гол өткізбей, командасының "Спартак", "Сибирь", "Авангард", "Автомобилист", "Динамо" және "Шанхай айдаһарлары" ұжымдарын жеңуіне септігін тигізді.
Ал Орехов қазанда төрт шайба соғып, тағы алты нәтижелі комбинацияға қатысты.
Айта кетейік, қазанның символикалық құрамасына Шутовтың "Барыстағы" командаласы Джастин Бэйли де енді. Ол қазанда 10 ұпай (5+5) жинап, командасының Шығыс конференциясы кестесіндегі үшінші орнын сақтап қалуына көмектесті.
"Барыс" ҚХЛ-де
Биылғы маусымда "Барыс" 12 жеңіске жетіп, 25 ұпай жинап үлгерді. Астана командасы қатарынан екі рет жеңіске жетті: Минскінің "Динамо" (0:1) командасын және "Шанхай айдаһарларын" тізе бүктірді.
Келесі кездесуде "Барыс" Челябинскінің "Трактор" командасымен сырт алаңда ойнайды. Матч 4 қарашада өтеді.