Қазақстан құрамасының жаңа бапкері Ұлттар лигасы матчтеріндегі Сәтпаевқа қатысты шешім қабылдады

Фото: instagram.com/kff_team

Футболдан Қазақстан ұлттық құрамасының бас бапкері Джон ван’т Схип УЕФА Ұлттар лигасының бастапқы матчтеріне қатысатын команданың кеңейтілген құрамын анықтады, деп хабарлайды Tengri Sport.

Турнир аясында нидерландтық маманның шәкірттері Фарер аралдары, Словакия және Молдова құрамаларымен кездеседі.

Қазақстан футбол федерациясы баспасөз қызметінің мәліметінше, ұлттық құраманың кеңейтілген құрамына 41 спортшы кірді.

Қақпашылар: Темірлан Анарбеков ("Қайрат"), Бекхан Шайзада ("Ордабасы"), Александр Заруцкий ("Ақтөбе"), Мұхаммеджан Сейсен ("Астана"), Стас Покатилов ("Сабах", Әзербайжан).

Қорғаушылар: Нұралы Әліп ("Зенит", Ресей), Әлібек Қасым, Ян Вороговский (екеуі де – "Астана"), Сергей Малый, Сұлтанбек Астанов (екеуі де – "Ордабасы"), Темірлан Ерланов, Талғат Құсяпов (екеуі де – "Ақтөбе"), Александр Широбоков, Дамир Қасаболат, Александр Мрынский, Еркін Тапалов (барлығы – "Қайрат"), Сағадат Тұрсынбай ("Жеңіс"), Владислав Васильев ("Оқжетпес"), Наурызбек Жагоров ("Тобыл"), Сағи Совет ("Қайсар"), Әрсен Әшірбек ("Елімай").

Жартылай қорғаушылар: Бауыржан Исламхан, Станислав Басманов, Дінмұхаммед Қараман (барлығы – "Астана"), Рамазан Оразов, Алмас Төлібай (екеуі де – "Елімай"), Георгий Жуков ("Ақтөбе"), Исламбек Қуат ("Жеңіс"), Жасұлан Әмір, Эльхан Астанов, Әбинұр Нұрымбет (барлығы – "Ордабасы").

Шабуылшылар: Дастан Сәтпаев ("Бернли", Англия), Ислам Чесноков ("Крылья Советов", Ресей), Исмаил Бекболат, Азамат Тұяқбаев (екеуі де – "Қайрат"), Акмаль Бахтияров ("Елімай"), Артур Шушеначев ("Ақтөбе"), Рамазан Кәрімов ("Астана"), Оралхан Өміраев ("Оқжетпес"), Максим Самородов, Ғалымжан Кенжебек (екеуі де – "Ахмат", Ресей).

Қазақстан құрамасының жаңа бапкері

Еске сала кетейік, футболдан Қазақстан құрамасын ресми түрде нидерландтық маман Джон ван’т Схип басқарды. Ол қызметке 7 тамызда тағайындалды.

Бұған дейін 62 жастағы маман Грекия және Армения ұлттық құрамаларын жаттықтырған, сонымен қатар Нидерланд құрамасы штабында болған.

Джон ван’т Схип қазақстандық құрамада жұмыс істейтін екінші голландиялық болмақ. 2006-2008 жылдар аралығында команданы Арно Пайперс жаттықтырған.

Instagram-дағы бұл жарияланымды көру

Қазақстан ұлттық футбол құрамасының жарияланымы (@kff_team)

Еске сала кетейік, 26 қыркүйекте Қазақстан құрамасы сырт алаңда Фарер аралдарымен ойнайды, 29 қыркүйекте Словакиямен сыртта кездеседі, 2 қазанда өз алаңында Молдованы қабылдайды, ал 6 қазанда қайтадан Фарер аралдарымен өз алаңында ойнайды.

Еуроны жеңіп, “Аякста“ жұмыс істеген: Қазақстан құрамасының жаңа бапкері туралы не белгілі?

Бұған дейін футболдан Қазақстан құрамасының бас бапкері Джон ван’т Шкип ұлттық команда мен "Челси" вингері Дастан Сәтпаевқа қатысты пікір білдірген.