+7 (777) 001 44
99
Баспасөз мәслихаты барысында нидерландтық маман қазақстандық ойыншылардың қайсысын ерекше атап өте алатыны туралы сұраққа жауап берді.
"Әрине, мен Сәтпаевты білемін, ол қазір "Челсиде" ойнап жүрген жас әрі талантты ойыншы. Қазір жекелеген есімдерге тоқталып жатқым келмейді. Алдағы күндері футболшыларды зерттеумен айналысамын. Бірақ Дастан туралы айтар болсам, оның алда әлі талай ойындары бар жас ойыншы екенін білемін. Ол мықты құрама құруға көмектеседі деп ойлаймын", - деді маман.
Еске сала кетейік, Джон ван’т Шкип Қазақстан құрамасының тізгінін бүгін, 7 тамызда ұстады. Жаңа бапкердің бастауымен команда алғашқы матчін 26 қыркүйекте Ұлттар лигасында Фарер аралдарына қарсы өткізеді.
Дастан Сәтпаев - Қазақстандағы ең танымал футболшы
Айта кетейік, "Челси" мен Қазақстан құрамасының 17 жастағы вингері лондондық клубқа биыл жазда ауысты, бірақ жаңа командасы үшін алғашқы голын соғып үлгерді.
Сәтті дебюттен кейін қазақстандықтың жанкүйерлері айтарлықтай көбейді. Қазір оның Instagram парақшасына 302 мың адам жазылған. Ұлттық құрама ойыншыларының ешқайсысында мұндай көп жазылушы жоқ.
Сәтпаев Қазақстан құрамасы тарихындағы ең жас гол авторы, сондай-ақ Чемпиондар лигасында гол соққан ең жас ойыншылардың бірі екенін атап өткен жөн.
Instagram-дағы бұл жарияланымды көру
Қазақстандық вингер "Челси" сапында үш матч өткізді, бірақ оның тек біреуінде негізгі құрамда шықты. Бапкер сенімі бірден нәтиже берді - Дастан ойынның алтыншы минутында гол соқты.
Сәтпаев “Ювентуске“ қарсы: Дастанның “Челси“ сапындағы үшінші матчі қалай өтті?
“Жауынгерлік рух“: жаңа бапкер Қазақстан құрамасының ерекшелігі туралы айтты
