Сәтпаев “Ювентуске“ қарсы: Дастанның “Челси“ сапындағы үшінші матчі қалай өтті?

Фото: instagram.com/chelseafc

Лондондық "Челсидің" қазақстандық шабуылшысы Дастан Сәтпаев туриндік "Ювентуске" қарсы матчте жаңа клубының намысын үшінші мәрте қорғауға шықты, деп хабарлайды Tengri Sport.

Маусымалды турне аясындағы кезекті жолдастық кездесуін лондондық "Челси" туриндік "Ювентуске" қарсы өткізді. Матч Гонконгта өтті. Қазақстандық Дастан Сәтпаев команданың негізгі құрамына ілікпегенімен, 65-минутта ағылшын Джейми Байноу-Гиттенстің орнына алаңға шықты.

Алаңда өткізген 25 минут ішінде Сәтпаев қақпаға 1 соққы бағыттап, 6 дәл пас берді. Оның ішінде 2 пас шабуыл аймағына бағытталған. Сондай-ақ ол 3 дуэльдің екеуінде жеңіске жетіп, 1 допты сәтті тартып алу әрекетін жасады. Танымал Flashscore статистикалық порталы қазақстандықтың ойынын 6,5 балға бағалады.

Instagram-дағы бұл жарияланымды көру

Chelsea FC (@chelseafc) жарияланымы

"Челси" - "Ювентус" матчінің барысы

Кездесу 0:1 есебімен "Ювентустың" пайдасына аяқталды. Ойындағы жалғыз гол екінші таймда соғылды. Кездесудің 68-минутында түрік жартылай қорғаушысы Кенан Йылдыз косоварлық вингер Эдон Жегроваға пас берді, ол қақпаны дәл көздеп, командасын алға шығарды.

Instagram-дағы бұл жарияланымды көру

Juventus (@juventus) жарияланымы

"Челсидің" маусым алдындағы келесі матчтері

Лондондық клуб Аустралиядағы өнерін аяқтады. Енді команда Азияға аттанып, онда "Миланмен" (8 тамыз, Индонезия) және "Джохор Дарул Такзиммен" (9 тамыз, Малайзия) кездеседі.

Бұл матчтердің барлығы Қазақстан уақытымен 16:30 – 17:00-де басталады.