Испаниялық "Химнастиктің" 17 жастағы жартылай қорғаушысы атақты атасының жолын қумай, халықаралық жарыстарда АҚШ намысын қорғауды жөн көрді.
Оның бірден үш елдің: АҚШ, Нидерланд және Испания құрамаларының бірін таңдау мүмкіндігі болған еді.
"Испан, голланд және америкалық азаматтығының арқасында үш елдің атынан өнер көрсетуге құқығы бар кіші Кройф, кем дегенде қазір әкесінің елін таңдаған сияқты. Ол АҚШ құрамасының Португалиядағы оқу-жаттығу жиынына қосылады, онда Бен Кросстың командасы Португалия және Норвегия құрамаларына қарсы ойнайды. Бұл оның АҚШ ұлттық құрамасы сапындағы алғашқы қадамы. Әзірге Нидерланд немесе Испания тарапынан жас ойыншыны өз құрамаларына тартуға ниет білдіргені туралы ақпарат түскен жоқ", - деп жазады AS.
Айта кетейік, Шаенің әкесі Тодд Бин де кезінде футбол ойнаған, ал анасы Шанталь Кройф - атақты ойыншы әрі жаттықтырушының қызы.
Ал Шае Испанияда дүниеге келген, алдымен "Атлетико Хесус" академиясында жаттығып, кейін "Химнастикке" ауысты.
Йохан Кройф деген кім?
Нидерландтық футболшы Йохан Кройф тарихындағы ең үздік ойыншылардың бірі саналады. Ол мансабында үш мәрте "Алтын допты" иеленіп, 1971-1973 жылдар аралығында Еуропа чемпиондары кубогінде үстемдік құрған Михелстің аңызға айналған "Аяксының" белді мүшесі болды.
Кейін голландиялық маман "Барселонаға" ауысып, команданың Испания чемпионы атануына септігін тигізді. Ал ойыншы мансабын аяқтаған соң футбол тарихындағы ең танымал командалардың бірін құрды - Испания чемпионатындағы қатарынан төрт жеңіс, Еуропа чемпиондары кубогіндегі алғашқы титул және бүкіл әлем сүйсіне тамашалаған "тотальді футбол" осы кісінің есімімен байланысты.
Кройфтың жетекшілігімен каталониялықтар сапында Хосеп Гвардиола ойнаған, ол кейін жаттықтырушының тактикасын өз жұмысында пайдаланды. Йоханның әсері Қазақстанға да жетті - ұлттық құраманың қазіргі бапкері Джон Ван ’т Скип "Аякста" оның жетекшілішімен жұмыс істеген.
Еуроны жеңіп, “Аякста“ жұмыс істеген: Қазақстан құрамасының жаңа бапкері туралы не белгілі?