“Челси“ “Ювентуспен“ ойын қарсаңында Сәтпаевқа қатысты шешімін жариялады

Фото: instagram.com/chelseafc/

Футболдан Қазақстан құрамасының вингері Дастан Сәтпаев италиялық алпауыт клубқа қарсы матчті қосалқы құрамда бастайды, деп хабарлайды Tengri Sport "Челси" баспасөз қызметіне сілтеме жасап.

Маусым алдындағы турне аясында "Челси" - "Ювентус" кездесуі Гонконгте өтіп, Қазақстан уақытымен 16:30-да басталады.

"Челсидің" "Ювентусқа" қарсы құрамы:

Санчес; Палестра, Тосин, Фофана, Хато, Николл-Джазули, Кайседо, Кенда, Жоао Педро, Гиттенс; Уэлбек.

Қазақстандық Дастан Сәтпаев украиналық Михаил Мудрикпен бірге қосалқы құрамда қалды. Ағылшын жұлдызы Коул Палмер мен Леви Колуилл матч өтініміне енген жоқ.

Chelsea in Hong Kong. 🔵🇭🇰 pic.twitter.com/jwQsZxg2q4
- Chelsea FC (@ChelseaFC) August 5, 2026

Еске сала кетейік, маусымаралық алғашқы матчте "Челси" аустралиялық "Вестерн Сиднейді" 6:4 есебімен ұтқан болатын, сол ойында Сәтпаев команда сапындағы алғашқы голын соқты.

"Тоттенхэмге" қарсы өткен екінші матчте Дастан алаңға қосалқы құрамнан шықты, ал команда 1:2 есебімен есе жіберді.

"Челси" - "Ювентус": қайдан көруге болады?

Еске сала кетейік, "Челсидің" маусым алдындағы барлық матчтері клубтың ресми сайтында ақылы көрсетіледі.

Бұған дейін футболдан Қазақстан құрамасының вингері Дастан Сәтпаевтың "Челси" сапындағы алғашқы голы Аустралияда өткен Sydney Super Cup 2026 турнирінің үздігі деп танылған болатын.