Қазақстан құрамасының көшбасшылары Әлем чемпионатында командаға көмектеспейді: жаттықтырушының мәлімдемесі

Хоккейден Қазақстан құрамасының бас бапкері Талғат Жайлауов команда көшбасшылары Никита Михайлис пен Валерий Ореховқа қатысты жағдайды түсіндірді. Гагарин кубогынан шығып қалғанына қарамастан, хоккейшілер құрамаға келмейді, деп хабарлайды Tengri Sport.

"Металлург" сапындағы қазақстандық хоккейшілер қазандық "Ақ Барысқа" қарсы серияда жеңіліп, Польшадағы Әлем чемпионатында өнер көрсетіп жатқан ұлттық құрама үшін босатылды.

Турнир қарсаңында құрама бас бапкері Михайлис пен Орехов командаға көмектесе алатынын айтқан болатын. Енді оларсыз өнер көрсетуге тура келетіні белгілі болды.

"Біз ҚХЛ плей-офф сериясының қалай өрбитінін білмедік. Оларда виза жоқ, сондықтан нәтижеге қарамастан олар физикалық тұрғыда келе алмас еді. Оның үстіне өтінім қабылдау мерзімі де аяқталды", - деп Жайлауовтың сөзін ҚХФ баспасөз қызметі келтіреді.

Еске сала кетейік, Валерий Орехов пен Никита Михайлис Польшадағы әлем чемпионатына баратындардың кеңейтілген тізімінде болған.

Қазақстан ұлттық құрамасы бапкерінің айтуынша, ол хоккейшілер командаға қосыла алады деп үміттенген.

""Металлургке" келетін болсақ, олардың мақсаты кубокті жеңіп алу екені түсінікті, кейін олар "Ақ Барыспен" кездесуі мүмкін еді. Уақыт жағынан қарасақ, олардың қосылуына болар еді, бірақ бұл жерде құжат мәселесі туындайды. Біз жағдайды бақылап отырмыз, оларға тілеулеспіз", - деді жаттықтырушы 17 сәуірде Астанада өткен ашық жаттығуда.

Айта кетейік, Михайлис пен Ореховтың жоқтығына қарамастан, Қазақстан құрамасы екі матчтің екеуінде де жеңіске жетіп, бірінші дивизиондағы әлем чемпионатының турнирлік кестесінде жеке-дара көш бастап тұр.

Бүгін, 5 мамырда, хоккейден Қазақстан құрамасы Әлем чемпионатындағы үшінші матчінде Польша құрамасымен кездеседі. Тікелей трансляция 22:30-да басталады.