Бесінші тур қарсаңында Қазақстан құрамасы топта соңғы орында тұр, сырт алаңда Молдованы жеңген жағдайда команда екінші сатыға көтеріле алады. Айта кетейік, Астанада өткен алғашқы кездесуде қарсыластар 1:2 есебімен жеңіске жеткен болатын.
Неге бұл матч маңызды?
Егер Қазақстан құрамасы бұл ойында жеңіске жетсе, соңғы турға дейін В дивизионына шығу мүмкіндігін сақтайды. Ол жақта команда мықты қарсыластармен ойнауға мүмкіндік алады.
Соңғы турда Қазақстан құрамасы өз алаңында Словакия командасын қабылдайды. Словакиялықтар бұл уақытқа дейін бірінші орынды иеленуі әбден мүмкін: олар 14 қарашаға қараған түні өз алаңында Фарер аралдарымен ойнайды. Ал Қазақстан құрамасының негізгі бәсекелестері Фарер аралдары мен Молдова соңғы турда өзара кездеседі.
Қазақстан құрамасының жоғары дивизионға өту мүмкіндігі бар: талдау
Бесінші тур қарсаңында Ұлттар лигасындағы жағдай
- Словакия - 10 ұпай;
- Фарер аралдары - 4 ұпай;
- Молдова - 4 ұпай;
- Қазақстан - 2 ұпай.
Қазақстан - Молдова: командаларды салыстыру
Қазақстан мен Молдова құрамалары бес рет кездескен, әзірге басым біздің команда басым.
Қарсыластар негізгі уақытта екі реттен жеңіске жеткен, ал Ұлттар лигасының С лигасындағы жолдаманы сақтап қалу үшін өткен матчте ресми түрде молдовалықтар басым түсті (0:1). Алайда екі матчтегі текетірес тең аяқталғандықтан, ойын пенальти сериясына ұласып, онда Қазақстан құрамасы мықтылығын танытты.
Transfermarkt порталының бағалауы және ФИФА рейтингі бойынша да Қазақстан алда тұр. Біз рейтингіде 117-ші сатыдамыз, қарсылас 158-ші орында. Ал ойыншылар құны тиісінше 11,8 миллион еуро мен 17,8 миллион еурон.
Молдова көшбасшылары Италия мен Бельгияда ойнайды
Айта кетейік, Молдова құрамасының басты жұлдыздары еуропалық лигаларда өнер көрсетеді. Олег Рябчук жазда бельгиялық "Андерлехтке" ауысты, команда капитаны Владислав Бабогло украиналық "Карпаты" сапында, ал Сергей Перчун италиялық В сериясындағы "Асколиде" ойнайды.
Біздің командада Дастан Сәтпаев пен Бахтиёр Зайнутдинов жоқ кезде, ең қымбат ойыншылар Максим Самородов (Ресей, "Ахмат") пен Нұралы Әліп (Ресей, "Зенит") саналады. Сондай-ақ құрамда "Сабах" (Әзірбайжан) сапындағы қақпашы Стас Покатилов бар - ол Ұлттар лигасының биылғы маусымында өнер көрсетіп жүрген жалғыз қазақстандық.
Молдова - Қазақстан: тікелей трансляция
Молдовадағы матчті Qazsport тікелей эфирде көрсетеді. Ойын Қазақстан уақытымен сағат 22:00-де басталады, сондай-ақ матчті арнасы сайтында тамашалауға болады.
Франция құрамасы Ұлттар лигасында жеңіліп қалды: қарсыласы әлем чемпионатына қатыспаған