Қазақстан Қытайдағы Әлем кубогында төртінші алтынды иеленді

Бокстан екі дүркін әлем чемпионы, қазақстандық Санжар Тәшкенбай Қытайда өткен Әлем кубогының финалында өзбекстандық Асылбек Жалиловты жеңді. Бұл - Қазақстан қоржынына түскен төртінші алтын, - деп хабарлайды Tengri Sport.

50 келіге дейінгі салмақ дәрежесіндегі жекпе-жек үш раундқа созылды.

Аса тартысты өткен кездесуде төрешілердің бөлек шешімімен Санжар Тәшкенбай жеңімпаз деп танылды. Жекпе-жек 3:2 есебімен қазақстандықтың пайдасына аяқталды.

Финалға барар жолда біздің боксшы 5:0 есебімен екі мәрте айқын басымдықпен жеңіске жетті. 1/4 финалда Тәшкенбай қырғызстандық Анваржан Ходжиевтен басым түссе, ал жартылай финалда Эллен Перес пен Деми Схурсты испаниялық Мартин Молина Сальвадорды жеңді.

Еске салайық, бұған дейін Санжар Тәшкенбай 2023 және 2025 жылдары тиісінше 48 және 50 келіге дейінгі салмақ дәрежелерінде бокстан әлем чемпионы атанған болатын.

Қытайдағы Әлем кубогында Қазақстан қоржынына алғашқы алтынды боксшы Назым Қызайбай сыйлады. 54 келіге дейінгі салмақ дәрежесіндегі финалдық айқаста ол италиялық Сирин Шаарабимен кездесті.

Сондай-ақ, жоғары деңгейлі марапаттарды Абылайхан Жүсіпов пен Виктория Графеева иеленді..