Қазақстандық әлем чемпиондары сенсациялық жеңістен қанша тапты?

Бейнеден кадр//instagram.com/kazakhstan_fencing/

Шпагамен семсерлесуден Қазақстан құрамасы Гонконгте (Қытай) өткен Әлем чемпионатында алғаш рет жеңіске жетті. Tengri Sport спортшылардың тарихи алтын үшін қандай марапатқа ие болатынын хабарлайды.

Қазақстан командасы Әлем чемпионаты финалында Украина құрамасын 45:40 есебімен жеңіп, спорттың бұл түрінен алғаш рет тұғырдың ең жоғары сатысына көтерілді.

Турнирде ел намысын төрт спортшы қорғады: Ерлік Сертай, Руслан Құрбанов, Кирилл Прохоров және Вадим Шарлаимов.

Марапаттау рәсімі кезінде команда Халықаралық семсерлесу федерациясынан 50 мың доллар көлемінде сертификат алды. Бұл сома барлығына тең бөлінеді - яғни әрқайсысы 12,5 мың доллардан алады.

Фото: трансляциядан скриншот

Қазақстанда жеңімпаздарды заң бойынша тиесілі сыйақы күтіп тұр. Қолданыстағы ережеге сәйкес, олимпиадалық спорт түрінен Әлем чемпионатындағы жеңісі үшін әр спортшыға тағы 15 мың доллардан беріледі.

Осылайша, спортшылар тарихи алтыннан бөлек, 17,5 мың доллар немесе шамамен 8,5 миллион теңге табыс тапты.

Семсерлесу құрамасының тарихи жеңісі

Айта кетейік, қазақстандық спортшылар олимпиадалық спорт түрлерінен әлем біріншіліктерінде алтын медалдарды жиі иелене бермейді. Мысалы, 2025 жылы әлем чемпиондары тек бокс пен грек-рим күресінен шыққан болатын.

Семсерлесу - әлемдегі бәсекелестік ең жоғары спорт түрлерінің бірі. Осы уақытқа дейін тарихта 32 ел ғана Әлем чемпионатының алтынын жеңіп ала алған.

Енді олардың қатарына Қазақстан да қосылды.

Instagram-дағы бұл жарияланымды көру

𝑯𝑶𝑴𝑬 𝑶𝑭 𝑸𝑨𝒁𝑨𝑸𝑺𝑻𝑨𝑵 𝑺𝑷𝑶𝑹𝑻𝑺 (@qaz_team_official) парақшасынан жарияланым

Семсерлесуге қалай келуге болады, бұл спорттың әдемілігі мен қиындығы неде деген тақырыпта Tengri Sport тілшісі былтыр команда көшбасшыларының бірі Руслан Құрбановпен сұхбаттасқан болатын.