Қазақстанның 27 жастағы өкілі белдесу аяқталуға санаулы секунд қалғанда 2:4 есебімен ұтылып жатқан болатын, алайда нәтижелі әдіс жасап үлгеріп, ширек финалға жолдама алды.
Бұл нәтиже - Айтақынның әлем чемпионаттарындағы мансабындағы ең үздік көрсеткіші, бұған дейін ол 14-ші және 17-ші орындарды иеленген еді. Сонымен қатар оның қоржынында 2024 жылғы Азия чемпионатының күміс жүлдесі бар.
Айта кетейік, әзербайжандық Нұраддин Новрузов - өткен әлем біріншілігінің қола жүлдегері. Сондай-ақ ол Әзербайжан чемпионатын екі рет жеңіп, Еуропа чемпионатында қола жүлдеге ие болған.
Бұл ретте, 2026 жылдың шілдесінде Новрузов Мажарстандағы турнирдің 1/4 финалында қазақстандықпен кездесіп, ол жолы да Айтақын 9:0 есебімен басым түскен болатын.
Астанадағы күрес түрлерінен әлем чемпионаты: Қазақстан құрамасында бірде-бір финал жоқ
Еске сала кетейік, күрес түрлерінен әлем чемпионаты Қазақстан астанасында 24 қазаннан бастап өтіп жатыр және 1 қарашада аяқталады. Қазіргі таңда біздің команданың еншісінде грек-рим күресінен үш қола, әйелдер күресінен бір қола жүлде бар.
Күні кеше ел тарихындағы еркін күрестен тұңғыш әлем чемпионы Ризабек Айтмұхан турнирдің алғашқы кезеңінде екі дүркін Олимпиада чемпионы Абдулрашид Садулаевқа жол берді. Кейінірек ресейлік балуан да Олимпиаданың тағы бір чемпионы, АҚШ өкілі Кайл Снайдерден жеңіліп, алтын үшін таласты тоқтатты.