Қазақстандық чемпион бокстан Әлем кубогінің ширек финалына айқын жеңіспен шықты

Фото © Tengrinews.kz / Болат Айтмолда

51 келіге дейінгі салмақ дәрежесінде өнер көрсететін қазақстандық боксшы Алуа Балқыбекова Әлем кубогі кезеңінің ширек финалына шықты, деп хабарлайды Tengri Sport.

1/8 финалда отандасымызға венесуэлалық боксшы Ирисмар Кардозо қарсылас атанды.

Қазақстандық спортшы алғашқы минуттардан-ақ рингте басымдығын көрсетіп, қорғаныста да, шабуылда да ширақ қимылдады.

Қарсыласы Балқыбековаға тойтарыс беруге тырысқанымен, оның соққылары сирек әрі әлсіз болды. Үш раундтың қорытындысы бойынша төрешілер жеңісті 4:1 есебімен қазақстандық боксшыға берді.

Алуа Балқыбекова - екі дүркін әлем чемпионы

Қазақстандық боксшы екі бокс ұйымының - World Boxing және IBA нұсқалары бойынша әлем чемпионы. Ол 2025 жылдың наурызында Сербияның Ниш қаласында 50 келіге дейінгі салмақта IBA әлем чемпионы атанды.

Instagram-дағы бұл жарияланымды көру

Алуа Балқыбекованың жарияланымы (@balkibekovaas)

World Boxing желісі бойынша Балқыбекова титулды өткен жылдың қыркүйегінде Ливерпульде (Англия) жеңіп алған болатын.

Instagram-дағы бұл жарияланымды көру

Kazakhstan Boxing Federation (@boxingkazakhstan) жариялаған жазба

Естеріңізге сала кетейік, кеше тағы бір қазақстандық әлем чемпионы - 70 келіге дейінгі дивизион өкілі Абылайхан Жүсіповтің жекпе-жегі өткен болатын.

Оның қарсыласы бразилиялық боксшы Кайан Рейес болды. Үш раундтың қорытындысы бойынша төрешілер жеңісті 4:1 есебімен Абылайхан Жүсіповке берді.

Instagram-дағы бұл жарияланымды көру

𝑯𝑶𝑴𝑬 𝑶𝑭 𝑸𝑨𝒁𝑨𝑸𝑺𝑻𝑨𝑵 𝑺𝑷𝑶𝑹𝑻𝑺 (@qaz_team_official) парақшасынан жарияланым

Еске сала кетейік, World Boxing ұйымдастырған бокстан Әлем кубогының екінші кезеңі 15-21 маусым аралығында Гуйян қаласында (Қытай) өтеді. Жарысқа қатысатын Қазақстан құрамасы сапында 9 ер және 8 әйел боксшы бар.

Бокс әлем кубогі