Қазақстандық спортшы өзбекстандықты ұтып, Азия Пара ойындарының алтынын иеленді

J2 санаты (көру қабілеті нашар спортшылар үшін) бойынша өткен финалдық белдесуде қазақстандық балуан өзбекстандық спортшы Кемран Нуриллаевпен кездесті. Тартысты өткен бәсекенің жеңімпазы Golden Score кезеңінде анықталды.

Нуриллаев қазақстандықты татами сыртына итеріп шығаруға тырысқан сәтте, Нұрмаханұлы тепе-теңдікті сақтап қалып, қарсыласын жауырынымен жерге қаратты. Төреші иппон ұпайын есептеп, жеңісті қазақстандыққа берді. Осылайша, Ибрагим Нұрмаханұлы Пара Азия ойындарының чемпионы атанды.

Ибрагим Нұрмаханұлы - Азия чемпионы

Еске сала кетейік, 2025 жылдың қарашасында Астанада өткен Азия чемпионатында Нұрмаханұлы Рио (Бразилия) Паралимпиадасының чемпионы Шерзод Намозов (Өзбекстан) пен Париж (Франция) Паралимпиадасының жеңімпазы Юдзиро Сэто (Жапония) сияқты титулды қарсыластарын жеңіп, сенсациялық түрде чемпион атанған болатын.

Сондай-ақ 2026 жылдың мамырында Астанада өткен IBSA Judo Grand Prix додасында финалда Намозовты мерзімінен бұрын жеңіп, тағы да алтын алды. Ал 2026 жылдың шілдесінде Бразилияда өткен халықаралық турнирде қоржынына кезекті алтын медальды салды.

Париждегі Паралимпиада чемпионы Қазақстанға Азиаданың екінші алтынын сыйлады