Қазақстандықтың Чемпиондар лигасындағы жаңа матчі: қайда және қашан көруге болады?

Әзербайжанның "Сабах" клубы Чемпиондар лигасының ортақ кезеңі аясында 20 қазанда өз алаңында Германияның турнир жеңімпазы әрі екі дүркін финалисін қабылдайды. Ойын Қазақстан уақытымен 21:50-де басталады.

"Сабах" - "Боруссия": командалардың жағдайы

Айта кетейік, қазір екі команданың да еншісінде үш ұпайдан бар және олар Чемпиондар лигасының ортақ кезең кестесінде көршілес орындарда тұр.

Германия өкілдері турнирдің басында "Вильярреалды" жеңгенімен, норвегиялық "Буде-Глимтке" есе жіберді. Ал Әзербайжан командасы жарыс жолын "Манчестер Юнайтедтен" ойсырай ұтылып бастап, кейін чехиялық "Славияны" жеңіп, тарихи жетістікке қол жеткізді.

"Сабах" үшін Чемпиондар лигасының ортақ кезеңіне қатысу - тарихындағы алғашқы көрсеткіш. Ал "Боруссия" бұл турнирде 1997 жылы жеңіске жетіп, 2013 және 2024 жылдары финалға дейін барған.

Покатилов - Чемпиондар лигасының үздік қақпашыларының бірі

Чемпиондар лигасының биылғы маусымындағы жалғыз қазақстандық - қақпашы Стас Покатилов - алдыңғы матчте бірнеше әсерлі сейв жасап, осы көрсеткіш бойынша үздік үштікке енді.

Қазақстандық қақпашының ойынын Чемпиондар лигасының баспасөз қызметі де атап өтті - ол Харри Кейн, Ламин Ямаль және Брэдли Барколямен бірге ортақ кезеңнің 2-турындағы символикалық құрамға енді.

"Сабах" - "Боруссия": онлайн көру

Қазақстанда Покатиловтың Чемпиондар лигасындағы жаңа матчін Qazsport телеарнасы көрсетеді.

Трансляция 21:45-те басталады, сондай-ақ оны мына сілтеме арқылы көруге болады.

Бұған дейін Португалия құрамасының жұлдызы, шабуылшы Криштиану Роналду команда орналасқан жерден кетіп қалғаны үшін жазаланатыны белгілі болған еді.