Жаңа роликте Ямаль қала ішінде көлікпен жүріп, жанкүйерлерге түрлі сыйлықтар таратады. Сыйлықтардың бірі – Чемпиондар лигасы матчіне билет және оның қолтаңбасы қойылған бутсы жұбы.
"Бір сұрақ: бұл Чемпиондар лигасының қай матчі болады? Жеке өзім Қазақстанда болатын ойынды берер едім! Қазақстанға барсын!" – дейді футболшы өзінің операторына.
Қателік монтаж кезінде-ақ белгілі болған – Ламин ел атауын айтқан сәтте экранда "*Azeybarjan" деген жазу пайда болады.
Айта кетейік, 25 қарашада "Барселона" Чемпиондар лигасының жалпы кезеңі аясында Әзербайжанда жергілікті "Сабахқа" қарсы ойнайды. Команда капитаны – қазақстандық қақпашы Стас Покатилов, сондықтан Ямаль Қазақстан өкілімен кездесетіні рас.
Испаниялық суперклуб Чемпиондар лигасының матчін Қазақстанда өткізген болатын
Еске сала кетейік, өткен жылы тағы бір испаниялық гранд – мадридтік "Реал" Қазақстанға келген еді. Чемпиондар лигасы аясында "Реал" алматылық "Қайратты" 0:5 есебімен жеңді.
Есептің ірі болғанына қарамастан, бұл матч қазақстандық футбол тарихындағы ең танымал ойындардың бірі ретінде қалады. Билет бағасының жоғарылығына қарамастан, стадион лық толды, ал "Реал" ойыншыларын жанкүйерлер әуежайдан бастап қарсы алды.
Ямаль - әлемдегі ең қымбат футболшы
"Барселонаның" 19 жастағы вингері Ламин Ямаль осы жасына дейін әлем чемпионаты мен Еуропа чемпионатын жеңіп, бірнеше мәрте Испания чемпионы атанып үлгерді. Биыл ол "Алтын доп" дауыс беруінде үшінші орынға ие болды.
Transfermarkt порталының бағалауы бойынша, Ямаль құны жағынан норвегиялық Эрлинг Холандпен бірінші орынды бөлісіп тұр. Сайт олардың әрқайсысын 220 миллион еуроға бағалайды.
Еске салайық, бұған дейін Ламин Ямаль "Алтын допқа" таласта жеңілгеннен кейін пікір білдірген болатын.
Криштиану Роналду алты голынан айырылды: рекордқа дейін қанша қалды?