+7 (777) 001 44
99
Рыбакинаның айтуынша, турнирдің басталуына 5 күн қалса да, ол әлі корттағы жаттығуларын бастамаған.
"Алдыңғы турнирде кішігірім жарақат алып қалдым, сондықтан қазір қалыпқа келу үшін қолдан келгеннің бәрін жасап жатырмын. Әзірге бәрі жақсы. Өкінішке қарай, әлі кортқа шыққан жоқпын. Жақын күндері байқап көреміз, бірақ жағдайым тәуір сияқты, алғашқы матчке дейін дайын боламын деп үміттенемін. Бұл өте маңызды", - деді қазақстандық спортшы.
Сонымен қатар ол турнир үшін асығыстық танытқаннан көрі, толық сауығып шығу маңыздырақ екенін атап өтті.
"Жалпы алғанда он шақты күнім болды, дайындалуға тағы бірнеше күн бар. Бәрі матчтің нақты қай күні болатынына байланысты, бірақ біз асыққымыз келмейді. Жүз пайыз дайын екеніме көз жеткізу үшін асықпаймын", - деді Рыбакина.
Рыбакинаның US Open алдындағы жарақаты
Еске сала кетейік, Қазақстанның үздік теннисшісі Цинциннатидегі турнирдің 1/4 финалында польшалық Ига Швёнтекке қарсы ойында жарақат алған болатын. Кейінірек Рыбакина аяғының біраздан бері мазалап жүргенін, алайда жүктемелердің әсерінен ауырсыну күшейіп, тіпті "жүре алмай қалғанын" айтты.
Қазақстандық спортшы US Open турнирінің микст (аралас жұп) жарысынан бас тартты, бірақ Нью-Йоркке келіп, тіпті жанкүйерлеріне қолтаңба беру рәсімін де өткізді.
Бір видео... және қаншама ауырсыну! #CincyTennis
— Vikig13.eth (@0xViki_eth) 21 тамыз, 2026 жыл
Елена Рыбакина тобығының ауырсынуына байланысты Швёнтекке қарсы матчтан бас тартты.💔💔💔
Ең алдымен оның тезірек сауығып кетуіне тілектеспіз @lenarybakina
Оны @usopen @WTA https://t.co/bj58q6Ym1B pic.twitter.com/W2mdJ0V29y
Рыбакина әлемнің бірінші ракеткасы атануы мүмкін
Айта кетейік, US Open қорытындысы бойынша Қазақстан өкілі алғаш рет жекелей сында әлемдік рейтингте көш бастауы мүмкін.
Ол үшін не Рыбакина жартылай финалға жетуі керек, не болмаса Арина Соболенко (Беларусь), Коко Гауфф және Джессика Пегула (екеуі де - АҚШ) турнирде жеңіске жетпеуі тиіс.
Осылайша, Елена Рыбакинаның кортқа мүлдем шықпай-ақ әлемнің бірінші ракеткасы атану мүмкіндігі бар.
🚨ШҰҒЫЛ🚨 Елена Рыбакина The Parliament-тегі әңгіме барысында US Open-ге қатысу үшін "қолдан келгеннің бәрін" жасап жатқанын айтты
— Matthew Neschis (@MNeschis) 26 тамыз, 2026 жыл
Әлемнің 2-раккасы өткен аптада Цинциннатидегі ширек финалда Ига Швёнтекке қарсы ойында сол аяғынан жарақат алып, матчты тоқтатуға мәжбүр болған еді pic.twitter.com/JF6UkUnixv
Еске сала кетейік, US Open-де әйелдер арасындағы жекелей сынның алғашқы матчтары 31 тамыз бен 1 қыркүйекте өтеді. Финал 12 қыркүйекте Нью-Йоркте болады.
