20 сәуір кешке және 21 сәуірге қараған түні Фос-ду-Игуасуда (Бразилия) Қазақстан құрамасының қатысуымен бокстан әлем кубогы кезеңінің алғашқы күні өтті, деп хабарлайды Tengri Sport.
Қазақстан атынан алғашқы болып шаршы алаңға еліміздегі ең атақты боксшы қыз Назым Қызайбай шықты.
Ол 1/16 финалда түркиялық қарсыласы Айсен Таскинді жеңіп, жарыс жолын сәтті бастады.
Жекпе-жек толық аяқталып, төрешілер шешімімен (4:1) қазақстандық боксшының жеңісімен аяқталды.
Алайда осындай жарқын бастамадан кейін Қазақстан құрамасы сәтсіздікке ұшырады. 60 келіге дейінгі дивизиондағы ерлер құрамасының мүшесі Жансері Көшербаев 1/16 финалда ирландиялық боксшы Джуд Галлахерге төрешілер шешімімен есе жіберді.
Одан кейін 90 келіге дейінгі салмақ дәрежесінде өнер көрсететін қазақстандық Дәулет Төлемісов рингке шықты. Оның қарсыласы ринг иесі, 2025 жылғы бокстан әлем чемпионатының күміс жүлдегері Фильо Исайасу болды. Кездесу бразилиялықтың 0:5 есебімен айқын жеңісімен аяқталды.
Бірқатар сәтсіздіктен кейін Қазақстан құрамасы қайтадан жеңісті жолына түсті. 70 келіге дейінгі салмақта өнер көрсететін Фарух Тоқтасынов ирландиялық Джон Макконнеллге қарсы жекпе-жек кезінде екі рет нокдаунға түскеніне қарамастан, төрешілердің шешімімен 3:2 есебімен жеңіске жетті.
Ал 80 келіге дейінгі салмақ дәрежесіндегі Диас Молжігітов қазақстандық боксшылар арасында алғашқы нокаутты тіркеді. Екінші раундта ол жапониялық Кай Ториабені екі рет нокдаунға түсіріп, рефери жекпе-жекті мерзімінен бұрын тоқтату туралы шешім қабылдады.
Еске сала кетейік, турнир 2026 жылдың 26 сәуіріне дейін жалғасады. Жарысқа Қазақстаннан бөлек 50-ден астам елден 400-ге жуық боксшы қатысады.
+7 (777) 001 44 99
