+7 (777) 001 44
99
Танымал журналист әрі инсайдер Дэн Рафаэльдің хабарлауынша, Дүниежүзілік бокс кеңесі (WBC) титул иегері Карлос Адамес пен міндетті үміткер Мейірім Нұрсұлтанов арасындағы келесі жекпе-жекті белгіледі.
Егер тараптар өзара келісімге келе алмаса, жекпе-жекті өткізу құқығы бойынша сауда-саттық 20 қазанға жоспарланған.
Жедел ақпарат: Сейсенбіде WBC 160 фунттағы чемпион Карлос Адамес пен міндетті үміткер Мейірім Нұрсұлтановқа өзара жекпе-жек өткізуді тапсырды. Егер келісім жасалмаса, 20 қазанда промоутерлік сауда өтеді. Жеңімпаз кейін уақытша чемпион Хесус Рамоспен кездесуі тиіс. Рамос сенбі күні PBC шоуында Нұрсұлтановпен жұдырықтасуы керек еді, бірақ бейсенбі күні кешке PBC-дің хабарлауынша, тағамнан улануына байланысты ауруханаға түсіп, жекпе-жектен бас тартуға мәжбүр болды. #boxing
— Dan Rafael (@DanRafael1) 23 қыркүйек, 2026 жыл
Еске сала кетейік, бұған дейін Мейірім Нұрсұлтанов WBC желісі бойынша уақытша чемпион кіші Хесус Рамоспен кездесуі тиіс болатын. Жекпе-жек 19 қыркүйекте Сан-Диего қаласында (Калифорния штаты, АҚШ) өтуі керек еді, алайда қарсыласы денсаулығына байланысты бас тартып, айқас өтпей қалды.
Instagram-дағы бұл жарияланымды көру
Нұрсұлтановтың қарсыласы Әлімханұлынан "қашып кеткен" болатын
Еске сала кетейік, бұған дейін бокс ұйымдары Карлос Адамес пен қазақстандық әлем чемпионы Жәнібек Әлімханұлы арасында біріктіруші жекпе-жек ұйымдастыруға тырысқан болатын. Доминикандық боксшы қазақстандық үшін басты қарсылас ретінде қарастырылған болатын.
2025 жылдың шілде айының басында Әлімханұлы Карлос Адамеспен орта салмақтағы WBO, IBF (қазақстандықтың белбеулері) және WBC (доминикандықтың белбеуі) нұсқалары бойынша әлем чемпионы атағы үшін жекпе-жекке келісімшартқа отырғанын мәлімдеген.
Алайда Әлімханұлының айтуынша, Адамес жекпе-жектен қашқақтап, келісімшартқа қол қоймаған. Қазақстандық қарсыласын қорқақтығы үшін айыптады.
Менің жалғыз қателігім – спарринг кезінде оны тым қатты ұрғаным болса керек. Енді ол маған қорқынышты фильмге қарағандай қарайды – мені көрсе қашады, атымды естісе шошып кетеді! https://t.co/S6yxmmNUKm
— Janibek Alimkhanuly (@qazaqstyle) 17 шілде, 2025
Қазіргі жағдайда Нұрсұлтанов WBC титулына міндетті үміткер. Дереккөздің мәліметінше, боксшылар мен олардың командалары келіссөздерді бастап кеткен, сондай-ақ оларға ортақ мәмілеге келмеген жағдайда өтетін сауда-саттық күні де белгіленген.
Мұндай жағдайда Адамес белбеуінен айырылғысы келмесе, Нұрсұлтановпен жекпе-жектен қаша алмайды. Доминикандық боксшыға не титулын қорғауға, не одан өз еркімен бас тартуға тура келеді.
Instagram-дағы бұл жарияланымды көру
Қазақстандық үшін бұл титулдық жекпе-жек рингке үш жылға жуық үзілістен кейін оралу болмақ. Ол соңғы рет 2023 жылдың қарашасында жұдырықтасып, төрешілердің бірыңғай шешімімен чилилік Хулио Аламосты жеңген болатын.
Нұрсұлтановтың еншісінде барлығы 20 қатар жеңіс бар және ол бірде-бір рет жеңілмеген.
Instagram-дағы бұл жарияланымды көру
WBO Әлімханұлына жаңа қарсылас тағайындады
Бұған дейін доминикандық боксшы, орта салмақтағы WBC нұсқасы бойынша әлем чемпионы Карлос Адамес жеңіліп көрмеген қазақстандық Жәнібек Әлімханұлына үндеу тастаған болатын.
