Мейірім Нұрсұлтанов ресми түрде WBC титулы үшін жекпе-жекке шығады

Фото: instagram.com/adal_promotions/

Қазақстандық боксшы Мейірім Нұрсұлтанов орта салмақтағы WBC тұжырымы бойынша уақытша әлем чемпионы атағы үшін жекпе-жек өткізеді. Титулдық кездесу 19 қыркүйекте Калифорнияда (АҚШ) өтеді, деп хабарлайды Tengri Sport бокс кешін ұйымдастырушыларға сілтеме жасап.

Бұған дейін отандасымыздың қарсыласы америкалық Хесус Рамос-кіші (24-1, 19 КО) болатыны хабарланды.

Айта кетейік, бұл санаттағы белбеу иегері - доминикандық Карлос Адамес. Ұйым міндетті үміткермен жұдырықтасудан бас тартқаны үшін оны белбеуінен айырып, Рамос - Нұрсұлтанов жекпе-жегінің жеңімпазын толыққанды чемпион деп жариялауы мүмкін.

Нұрсұлтанов - Рамос кездесуі Питбуль - Браво бокс кешінің басты жекпе-жектерінің бірі болады.

Нұрсұлтанов рингке араға үш жыл салып оралады

Еске сала кетейік, 32 жастағы боксшы соңғы рет рингке 2023 жылы шығып, төрешілердің шешімімен Хулио Аламосты жеңген болатын.

Бұл ретте Нұрсұлтанов бірнеше жылдан бері WBC титулына міндетті үміткер, алайда чемпион онымен жұдырықтасудан бас тартып келеді.

Instagram-дағы бұл жарияланымды көру

Premier Boxing Champions (@premierboxing) жариялаған жазба

Қазақстандықтың еншісінде 20 жекпе-жекте 20 жеңіс бар және Мейірім олардың басым бөлігін мерзімінен бұрын аяқтаған.

Бұған дейін Мейірімнің ағасы - танымал боксшы Мерей Ақшалов інісінің мансабын ілгерілетумен айналысу үшін Қазақстан бокс федерациясының бас хатшысы лауазымынан кеткені белгілі болды.

Ал әуесқойлар арасындағы бокстан екі дүркін әлем чемпионы Санжар Тәшкенбай өзінің салмақ дәрежесі Азия ойындары мен Олимпиада бағдарламасынан алынып тасталғаннан кейін кәсіпқой рингте жекпе-жек өткізу туралы шешім қабылдады.

"Бұл таныстықпен жасалмайды": Әлімханұлы - Канело жекпе-жегі туралы не белгілі?

Бокс жекпе-жек боксшы