+7 (777) 001 44
99
Тамызда бокстан Қазақстан құрамасы Алматы облысында оқу-жаттығу жиынын өткізді. Қыркүйекте команда Азия ойындары алдындағы дайындықтың қорытынды кезеңі үшін Жапонияға аттанады.
Еске салайық, ойындар 2026 жылдың 19 қыркүйегі мен 4 қазаны аралығында Жапонияның Аичи префектурасы мен Нагоя қаласында өтеді.
"Тамыз бірқалыпты өтті: тек жаттығу, режим және тәртіп. Ал қыркүйек айы маңызды жарыстарға толы болғалы тұр. Сондықтан маған және елімізге жанкүйер болыңыздар. Осы жаттығулар мен төгілген тер өз нәтижесін береді деп сенемін", - деп жазды Назым.
Instagram-дағы бұл жарияланымды көру
Назым Қызайбай
Қазақстандық спортшы 48 келіге дейінгі салмақ дәрежесінде үш рет әлем чемпионы атанды. Ол алғашқы титулын 2014 жылы Кореяның Чеджу қаласында иеленсе, екі жылдан кейін Астанада сол жетістігін қайталады.
2025 жылғы наурызда Сербияның Ниш қаласында өткен турнирде ол үшінші рет әлем чемпионы атанды.
Париж Олимпиадасында Назым Қызайбай жартылай финалға дейін жетіп, Азия ойындарының чемпионы қытайлық Ю У-ға есе жіберген болатын.
Бұл нәтиже қазақстандық әлем чемпионына өз мансабында алғаш рет Олимпиада ойындарының медалін жеңіп алуға мүмкіндік берді.
Instagram-дағы бұл жарияланымды көру
Ал Ливерпульде (Англия) өткен Әлем чемпионатында Назым Қызайбай өз мансабында төртінші рет әлемдік доданың финалына шықты, бірақ алғаш рет жеңіліп, күміс жүлдегер атанды.
Назым Қызайбай соңғы рет Гуйяньда (Қытай) өткен World Boxing әлем кубогының кезеңі аясында шаршы алаңға шығып, Қазақстан қоржынына алтын медаль салды.
Instagram-дағы бұл жарияланымды көру
Айта кетейік, үш дүркін әлем чемпионының қоржынында әзірге Азия ойындарының алтыны жоқ, сондықтан қазір оның бұл олқылықтың орнын толтыруға тамаша мүмкіндігі бар.
Назым Қызайбай жаңа марапатқа ие болды
