Нұрсұлтанов Әлімханұлымен жұдырықтасуға “қашқақтаған“ чемпионмен кездесуі мүмкін

Фото: instagram.com/adal_promotions; x.com/qazaqstyle

Орта салмақтағы жеңіліп көрмеген қазақстандық боксшы Мейірім Нұрсұлтанов WBC чемпионы Карлос Адамеспен жұдырықтасуы мүмкін, - деп хабарлайды Tengri Sport Boxingscene мәліметіне сілтеме жасап.

Дереккөз мәліметінше, WBC президенті Маурисио Сулейман қазақстандық боксшы Мейірім Нұрсұлтанов пен орта салмақтағы WBC уақытша чемпионы Хесус Рамос арасындағы алдағы жекпе-жектің жеңімпазы ұйымның толыққанды чемпионы Карлос Адаместің келесі қарсыласы болатынын мәлімдеді.

Нұрсұлтанов пен Рамос арасындағы жекпе-жек 19 қыркүйекке жоспарланған.

Instagram-дағы бұл жарияланымды көру

Meiirim Nursultanov MN (@meiirim.nursultanov) жариялаған пост

Нұрсұлтанов 3 жылға жуық уақыт бойы жұдырықтаспаған

Қазақстандық үшін бұл үш жылдық үзілістен кейінгі шаршы алаңға оралу болмақ - ол соңғы рет 2023 жылдың қарашасында жекпе-жек өткізген. Ол кезде төрешілердің бірауыздан шығарған шешімімен чилилік Хулио Аламосты жеңген болатын. Бұл оның қатарынан 20-шы жеңісі болды.

Instagram-дағы бұл жарияланымды көру

ADAL PROMOTIONS (@adal_promotions) жарияланымы

Рамос болса, 2025 жылдың аяғында кіші Шейн Мослимен болған жекпе-жекте уақытша титулды жеңіп алды. Ол төрешілердің бірауыздан шығарған шешімімен жеңіске жетті.

Карлос Адамес Әлімханұлынан "қашып", Нұрсұлтановқа тап болды

Еске салайық, бұған дейін бокс ұйымдары Карлос Адамес пен қазақстандық әлем чемпионы Жәнібек Әлімханұлы арасында жекпе-жек ұйымдастыруға тырысқан болатын.

Команданың айтуынша, доминикандық боксшы қазақстандық үшін басымдықтағы қарсылас болған.

Me agrega @BroncoAdames que “aún no hay fecha ni sede, pero esta pelea se va a hacer; será la próxima.” https://t.co/udqIaiz7Hm
- Fernando Sabatini (@FerSabatiniBox) 21 қыркүйек, 2025

2025 жылғы шілденің басында Әлімханұлы Карлос Адамеспен орта салмақтағы WBO, IBF (қазақстандықтың белбеулері) және WBC (доминикандықтың белбеуі) нұсқалары бойынша әлем чемпионы атағы үшін жекпе-жекке келісімшартқа отырғанын мәлімдеген болатын.

Instagram-дағы бұл жарияланымды көру

Matchroom Boxing (@matchroomboxing) жарияланымы

Алайда Әлімханұлының айтуынша, Адамес жекпе-жектен қашқақтап, келісімшартқа қол қоймаған. Қазақстандық қарсыласын қорқақтығы үшін айыптады. Осыдан кейін боксшылар арасында әлеуметтік желілерде сөз таласы басталды.

I guess my only mistake was hitting him a bit too hard in sparring. Now he treats me like a horror movie - runs when he sees me and jumps when he hears my name! pic.twitter.com/S6yxmmNUKm
- Janibek Alimkhanuly (@qazaqstyle) 17 шілде, 2025