+7 (777) 001 44
99
Жәнібек Әлімханұлы әлеуметтік желідегі парақшасында келесі жекпе-жегіндегі ықтимал қарсыласы, супер орта салмақтағы WBO белбеуінің иегері Хамза Шираз туралы ойын айтты.
Қазақстандық боксшы Шираздың танымал емес екенін және онымен жұдырықтасу өзіне аса қызық еместігін мәлімдеді. Әлімханұлы бұл жекпе-жекті белбеу үшін ғана өткізіп, содан кейін мексикалық танымал боксшы Сауль Альвареспен кездеспек.
"Ол маған қызық емес! Ол танымал емес боксшы! Ол маған ештеңе бермейді! Маған тек титул керек! Ал содан кейін - WBC WBO-ға қарсы! Яғни Жәнібек Канелоға қарсы!" - деп жазды Әлімханұлы әлеуметтік желіде.
Скриншот: instagram.com/janibek_alimkhanuly
Әлімханұлының шеттетілу мерзімі қысқартылып, оған титулдық жекпе-жек берілді
Еске сала кетейік, бұған дейін Дүниежүзілік бокс ұйымы (WBO) қазақстандық боксшы Жәнібек Әлімханұлының допинг дауынан кейін шаршы алаңға қайта орала алатынын жариялады.
Олар спортшының шеттетілу мерзімін қысқарту туралы өтінішін қанағаттандырды. 10 шілдеден бастап қазақстандықтың ұйым аясында жекпе-жек өткізуіне қойылған шектеу алынып тасталды.
Instagram-дағы бұл жарияланымды көру
Кейін, 14 тамызда Жәнібек Әлімханұлының қазіргі уақытта британдық Хамза Ширазға тиесілі супер орта салмақтағы WBO белбеуіне міндетті үміткер болғаны белгілі болды. Қос тарап алдағы 20 күн ішінде келіссөз жүргізуі қажет екені нақтыланды.
Instagram-дағы бұл жарияланымды көру
Шираз WBO-ны жемқорлыққа қатысты айыптап, титулдан бас тарту туралы пікір білдірді
Хамза Шираз ұйымның қазақстандыққа жекпе-жек тағайындау туралы шешіміне наразылық білдіріп, Әлімханұлының супер орта салмақтағы әлем чемпионы атағына міндетті үміткер болып тағайындалуының артында WBO-дағы жемқорлық тұруы мүмкін екенін айтты.
Сондай-ақ танымал журналист Ариэль Хельваниге берген сұхбатында Шираз WBO шешімін "келеке" және "бокс үшін масқара" деп атап, ұйымның мельдонийге тесті оң нәтиже көрсеткен боксшыны марапаттап отырғанын мәлімдеді.
Сонымен қатар Шираз қазақстандыққа қарсы міндетті қорғау жекпе-жегінің орнына WBO титулынан бас тарту мүмкіндігін қарастырып жатқанын жеткізді.
Әлімханұлы - Канело: қазақстандық аңыз боксшымен жұдырықтасуға бекініп отыр
Еске сала кетейік, Жәнібек Әлімханұлы басқа салмақ дәрежесіне ауысу үшін орта салмақтағы әлем чемпионы атағынан бас тарту туралы шешім қабылдаған болатын. Боксшының өзі басты мақсаты мексикалық бокс жұлдызы, бұрынғы абсолют әлем чемпионы Сауль Альвареспен жекпе-жек өткізу екенін мәлімдеді.
Instagram-дағы бұл жарияланымды көру
Канело мен Әлімханұлы жекпе-жегі қашан өтуі мүмкін?
Айта кетейік, Канелоның жаңа жекпе-жегі жоспарланып қойған: қазанда ол WBC желісі бойынша титул үшін франциялық Кристиан Мбилли Ассомомен кездесуі тиіс. Одан әрі Жәнібек өз жеңісіне қол жеткізіп, содан кейін ғана мексикалықпен келіссөз бастауы қажет.
"Сірә, біз Ширазбен жұдырықтасамыз. Ширазды жеңіп, содан кейін бұрынғы салмақтағыдай, осы санаттағы барлық төрт белбеуді біріктіруге тырысамыз.
Сондықтан Шираздан кейін Канеломен міндетті түрде келіссөз болады. Қазір WBO-дан ресми жаңалық күтіп отырмыз. Өтінім берілді, бәрін ереже бойынша жасап жатырмыз және ресми үміткер боламыз деп үміттенеміз", - деді менеджері Tengri Sport-қа берген сұхбатында.
WBO ұйымы Жәнібектің әлемдік бокста қандай беделге ие екенін қазірдің өзінде көрсетті.
"Жәнібектің барлық жанкүйері, қазақстандықтар Жәнібектің жоғары салмақ дәрежесінде бірден рейтингтің жоғарғы сатысынан көрінгеніне қатты қуанды. Канелодан кейінгі екінші орында. Бұл да Жәнібектің әлемдік бокстағы беделі қандай екенін көрсетеді. Бұл өтінішпен немесе таныстықпен жасалмайды. Бұл тәжірибеге сүйеніп жасалады - боксшының деңгейіне қарайды. Сондықтан қазақстандықтың бокс әлемінде мұндай беделге ие болуы біз үшін үлкен мәртебе", - деп қорытындылады Берік Сұлтан.
Қазақстан бокстан әлем чемпионының айыптауларына жауап берді
“Жыламай, төбелес!“: Әлімханұлы чемпионның айыптауына жауап берді
